Бүгін Шардара ауданында 23 маусым – Мемлекеттік қызметшілер күніне орай, кіші футболдан жарыс өтті.
Жарысқа аудан әкімінің орынбасары Б.Шомпиев қатысып, айтулы мерекемен құттықтап, ыстық лебізін білдірді.
«Құрметті Әріптестер! Сіздерді 23 маусым – Мемлекеттік қызметші күнімен шын жүректен құттықтаймын! Әрбір өркениеттің өріне қадам бастаған мемлекеттің ең басты тірегі, оның идеясы мен саясатын алға апарушы мемлекеттік қызметкер болып табылады. Сондықтан да ұлт мәртебесін көтеретін, ел абыройын асқақтататын мемлекеттік қызметкер болу – мәртебелі міндет. Мемлекеттік қызметші қай кезде де биліктің биік бейнесін, іскерлік қабілетін көрсетеді. Баршаңызды осынау мерекемен құттықтай отырып, елге қалтықсыз қызмет етуге шақырамын. Отбасыларыңыз амандық, дендеріңізге саулық тілеймін!», – деді аудан әкімінің орынбасары.
Спорттық шараға әр мемлекеттік мекемелерден қызметшілер келіп, тартысты ойын өткізді. Сайыс соңында жеңімпаз болған командалар грамоталармен марапатталып, ұйымдастырушыларға алғыс білдірді.
