Бүгін 2021 жылдың 12 айлық және 2022 жылдың 6 айлық қорытындысымен ЖИТС (СПИД) инфекциясы бойынша эпидемиологиялық жағдай, Балалар мен жасөспірімдер және репродуктивті жастағы (15-49 жас аралығы) халық арасында ЖИТС (СПИД) инфекциясының жұғуының алдын алу шаралары, сондай-ақ, өткір ішек жұқпалы ауруларының алдын алу шараларының орындалуы бойынша мәжіліс өтті.
Жиынға аудан әкімінің орынбасары Б.Шомпиев, облыстық ЖИТС-тің алдын алу және онымен күресу орталығы МКҚК-нің Жетісай қаласындағы бөлімше меңгерушісі А.Сағымбекова, аудандық санитарлық эпидемиологиялық бақылу басқармасының басшысы С.Оразымбетов, аудандық орталық ауруханасының бас дәрігерінің орынбасары Н.Молдаханов және ауыл әкімдері мен дербес бөлімдер қатысты.
Мәжіліс барысында ЖИТС инфекциясының жұғу жолдары, оның таралу аймағы және күресу жолдары мен салдары айтылды.
«Бұл инфекциямен күресудің ең басты жолы халыққа аурудың қауіптілігі туралы барынша түсіндіре отырып, жыл сайын тексеруден өтіп тұруға үгіттеу керек. Егер бір азамат өзінің ЖИТС инфекциясымен ауыратынын біліп оны басқаларға жұқтырса ол қылмыс болып саналады»- деді А.Сағымбекова.
Мәжіліс қортындысында төрағасы Б.Шомпиев жиынға қатысқан барша жауапты мекемелерге аталған инфекцияның алдын алу шараларын барынша күшейтуді тапсырып, нәтижесі бойынша тұрақты түрде есеп беріп отыруды тапсырды.
