ТҮРКІСТАН: СОЗАҚ АУДАНЫНДА ПАЙДАЛАНЫЛМАЙ ЖАТҚАН ЖЕРЛЕРГЕ ТАЛДАУ ЖҰМЫСЫ ЖҮРГІЗІЛМЕК

234

Мемлекет басшысы Қасым-Жомарт Кемелұлы Тоқаев 26 қаңтары күні Үкіметтің кеңейтілген отырысын өткізіп, бірқатар тапсырмалар берген болатын.

Оның ішінде арнайы жер мәселесіне тоқталып, Жер кодексінің кейбір нормаларына жарияланған мораторийдің биыл аяқталатынын атап өтті.  Үкіметке Жер комиссиясының жұмысын қайта жандандыруды және қараша айына дейін түзетулерді қабылдауды тапсырып,ұсыныстарды тиісті деңгейде талқылап, нақты шешімдер қабылдау керектігін жеткізді.

Жайылым жерлерді игеру мәселесінде ең алдымен ауыл тұрғындарына қолжетімді болуы керектігін, ұтымды пайдалану қажеттілігін атап өтіп, қазіргі таңда ауыл тұрғындарына мал жаятын жайылым жердің тапшы болып отырғандығын, әсіресе Алматы, Түркістан облыстарында жайылымдық жерлердің жетіспейтіндігін назарға алды. Президент Үкіметке Бас прокуратурамен бірлесіп, биылғы жылдың соңына дейін пайдаланбай отырған жайылымдық жерлерді мемлекет меншігіне қайтарып алуды тапсырып, ол жерлерді мал басын көбейтіп, асылдандырып қожалықпен айналысатын шаруаларға беріп, қайта айналымға қосуды қатаң тапсырды.

Осыған орай, Қазақстан Республикасының «Жер Кодексінің» 92, 94 баптарына сай, Созақ ауданы бойынша пайдаланылмай жатқан немесе заңсыз пайдаланудағы жер учаскелеріне аудандық прокуратурасымен бірлесіп түгендеу жұмыстарын жүргізу мақсатында аудан аумағындағы пайдаланылмай жатқан немесе заңсыз пайдаланудағы жер учаскелеріне тиісінше талдау жұмыстарын жүргізу үшін аудан әкімінің 06.04.2022 жылғы мақсатына сай пайдаланылмай жатқан жер учаскелеріне түгендеу жүргізу жөніндегі комиссия құру туралы №18 өкімімен арнайы комиссия құрылды. Қазіргі таңда аудан аумағында «Геопортал» базасынан 144 жер пайдаланушылардың агроқұрылымдарының жалпы көлемі 63 635,9 гектар (оның ішінде62 359 гектар жайылымдық, 1276,9 гектар егістік) жер учаскелері пайдаланылмай жатқаны анықталды. Осы анықталған жер учаскелеріне тиісті зерделеу жұмыстарын жүргізіп нәтижесінде 13 жер пайдаланушының  жалпы көлемі 2326,37 га оның ішінде (33,07 гектар егістік,3,45 гектар шабындық, 2289,85 гектар жайылымдық) га жер учаскесі ауданның арнайы жер қорына қайтарылды. 26 357 гектар учаскесі қайта игеру кіріскен.

Аудан әкімі Мұхит Тұрысбеков жиын өткізіп, алдағы уақытта қалған 34 952,2 га жерді мемлекет меншігіне қайтару мақсатында зерделеу жұмыстарын жүргізу үшін әр ауылдық округінің әкімі халықпен бірлесе отырып, жер учаскелерін мемлекет меншігене қайтару жұмыстарын жүргізуді тапсырды.  “Біздің міндетіміз пайдаланылмай жатқан жерлерді мақсатына сай, тиімді пайдалануды түсіндіру. Жер иелеріне өнімді арттырып,  шет елдерге экспортауға дейін жеткізу үшін бірлесіп жұмыс жасаумыз керек”,- деді аудан басшысы Мұхит Сексенбайұлы.