Созақ ауданының әкімі Мұхит Тұрысбеков, Балдысу, Қарабұлақ елді мекенінде болып, ондағы тұрғындармен кездесті. Олардың ұсыныс-пікірлерін тыңдап, сауалдарына жауап берді.
«Сіздермен кездесу өткізу арнайы кестемен бекітілген жоқ. Бірақ мен елді мекендердің барлығын арнайы аралап жүрмін. Бүгін сіздердің жағдайларыңызды білейін, халықпен сөйлесейін, ұсыныстарыңызды тыңдайын деп келдім»,- деді аудан басшысы.
Кездесу барысында Қарабұлақ елді мекенінің тұрғындары балалар ойын алаңы салынса деген ұсыныстарын жеткізді. Сондай-ақ көше атауын беруді қолға алсаңыздар деді. Тас көше төселіп, жарықтандыру іске қосылса деген ұсыныстарын жеткізді. Көше атауын беру биыл іске асатынын жеткізген аудан басшысы, балар ойын алаңын салу, жарықтандыру мәселесін келер жылы қолға алуға уәде берді.
Балдысу елді мекенінің тұрғындарымен кездесу Жамбыл орта мектебінің ауласында өтті. Тұрғындар білім ордасының ауыз суын, мектеп алдында жол кедергісін салуды көтерді. Мектепке келетін жол бойынша жаяу жүргіншілер аяқ жолын салуды қолға алуды сұранды. Сондай-ақ жол құрылысына қатысты да ұсыныстарын айтты. Бірқатар мәселенің демеушілер есебінен шешілетінін жеткізген аудан басшысы, білім ордасына қатысты мәселені тиісті басқарма алдында көтеретінін жеткізді. Алдағы уақытта тас жол салу, жаяу жүргіншілер аяқ жолы мен жол кедергісі салынатынына тоқталды.
Сондай-ақ аудан әкімі Мұхит Тұрысбеков белгіленген кестеге сәйкес Шу, Тасты ауыл округінің халқымен кездесті. Жыл басынан бері аудан әкімінің бұл өңірге үшінші сапары. Кездесу ашық форматта өтті. Аудан көлемінде атқарылып жатқан жұмысты баяндаған Мұхит Сексенбайұлы, алдаға жоспарлармен бөлісті.
– Шу өңірі алыс болса да, біздің назарымыздан тыс қалмайды. Сіздер ұсынған мәселені заң аясында шешу үшін уақыт қажет. Жыл басынан бергі кездесуде бірнеше мәселені көтердіңіздер. Ретімен шешілеп келеді. Білім ордасына дейін аяқ жол төселді. Мәдениет үйін жөндеу үшін мемлекеттік сатып алу ойнатылды. Алдағы айда жөндеу жұмыстары басталады. Ж. Қаламбаев мектебін жаңа оқу жылына дейін жөндеу жұмысын жүргізіп, ғимаратты әзірлейміз. Жедел жәрдем көлігі жақын арада шешіледі. Жуантөбе- Шу-Тасты ауылын жалғастыратын облыстық жолдағы шұңқырларды жөндеу үшін тиісті басқарма тарапынан шаралар қабылданады – деді.
Шу ауылының тұрғындары, бірнеше мәселе бойынша сауалдарын қойды. Мәселен мүгедектікке байланысты қол арба алуға көмек сұрады. Сондай-ақ артизан құдығы қазылса деген ұсыныстарын жеткізді. Сауалдар бойынша тиісті бөлімдерге тапсырма берген аудан әкімі, артизан құдығын қазу үшін демеушілерге жүгінетінін айтты. Сондай-ақ аудан басшысы тұрғындарды жеке мәселемен қабылдады.
Есептік жиыннан соң жеке қабылдау өткізген аудан басшысы, Шу ауылын аралады. Жөндеу жүріп жатқан орталық мешітке, ауыл ішіндегі жаяу жүргіншілерге арналған аяқ жолды көрді.
Тасты ауыл округінің тұрғындарымен кездесу барысында, үйіргелік жерде дүкенін ашқанын айтқан тұрғын, оның құжаттандыру мәселесі қиындық туып отырғанын жеткізді. Сондай-ақ тұрғындар тарапынан мал ауруы өршіп тұрғанын айтып, оның алдын алу үшін тиісті шара қабылдауды сұранды. Мұхит Сексенбайұлы аудандық «Ветеринариялық қызмет» МКК басшысы Ержан Барбановқа, мал ауруын анықтап, тиісті шара қабылдауды тапсырды. Жалпы, биыл Тасты ауыл округімен Қылти елді мекенін байланыстыратын жол жөндеуден өтеді. Сондай-ақ орталық көше жарықтандырылатынын баяндады. Есептік жиыннан соң тұрғындарды жеке қабылдады. Тұрғындар жұмыспен қамту, мал басын сырғалау мәселесі бойынша жүгінді.
Аудан әкімінің есептік жиыны Қыземшек кенті мен Жуантөбе ауыл округінде жалғасты. Жиынға аудан әкімдігінің бөлім, мекеме басшылары, аудандық мәслихат депутаттары қатысты. Кездесу барысында Мұхит Сексенбайұлы ауданда атқарылып жатқан жұмыстарға тоқталып, алдағы міндеттерді баяндады.
«Қыземшек кентіндегі спорттық мәдени сауықтыру кешеніне жөндеу жұмыстарын жүргізу алдағы уақытта басталады. Мұнан бөлек, үш көшеге асфальт төселеді. Аялдама салынып, екі көше жарықтандырылады. Балалар ойын алаңы салынады»,- деді аудан басшысы Мұхит Тұрысбеков.
Кент тұрғындары қысқы жылу маусымына дайындық барысы туралы сауал қойды. Тиісті мекеме тарапынан жылу қазандығына жөндеу жұмыстары жүргізіліп, жылу маусымына дейін дайын болатынын айтты. Көпшілікті қуантқан тағы бір қуанышты жаңалық ҚР денсаулық сақтау министрлігінің бұйрығына сәйкес, кенттегі дәрігерлік амблуатория, бастапқы санитарлық медициналық пункт болып ашылады. Жыл басынан құрылым өзгеріп, хирург акушер-гинеколог мамандарымен қамтамасыз етіледі.
Жиын Жуантөбе ауыл округінде жалғасып, кездесу мәдениет үйінің ауласында өтті.
«Елдің бірлігінен артық ештеңе жоқ. Сондықтан кез-келген мәселені осылай еркін, ашық әңгімелесіп шешуге болады»,- деген аудан басшысы Мұхит Тұрысбеков, күз мезгілінде ауыл округ әкімдігінің ғимараты пайдалануға берілетінін айтты. Сонымен қатар, үш көшеге тас жол салынып, бір көше асфальт төселетініне тоқталды. Ауыл округ бюджетінен екі көше жарықтандырылады.
Аудан әкімінің жеке қабылдауына келген тұрғындар жұмыспен қамту, тұрғын үй құжатын әзірлеу бойынша жүгініп, бірқатар мәселелер шешімін тапты.
Сондай-ақ аудан басшысы Жуантөбе ауылында салынып жатқан әкімдік ғимараты мен жол құрылысымен танысты.
