ТҮРКІСТАН: СОЗАҚ АУДАНЫНЫҢ ТҰРҒЫНДАРЫ СЕНБІЛІККЕ БЕЛСЕНЕ АТСАЛЫСТЫ

352

Созақ ауданының әкімі Мұхит Сексенбайұлы көктемгі тазалық жұмыстарында Шолаққорған ауылын 5 секторға бөлген болатын. Әр секторға бөлім, мекемелерді жауапты етіп бекітіп, олар тазалық жұмыстарын жүргізген. Бүгінгі сенбілік барысында өздеріне тиесілі сектор бойынша, күл қоқыстарды шығарды. Барлық мекеме қызметкерлері бір кісідей атсалысып, әрбір ұжым бөлінген аумақтарда, көшелерде тазалық жұмыстарын қарқынды жүргізді. Соның ішінде, ауылдың Түркістан, Шымкент бағытындағы кіре беріс аймағын, орталық көшелер мен әлеуметтік нысандардың айналасын толық қамтыған тазалық жанашырлары қоқыс қалдықтарын шығарып, ортақ мекеннің көркеюіне өз үлестерін қосты.

Атап өту қажет, бүгінгі сенбілік аясында қала бойынша тазалық жұмыстарына 2 мыңға жуық адам, 12 техника жұмылдырылды. Тазартылған аумақтар бойынша 70 тонна шамасында тұрмыстық қатты қалдықтар шығарылды. Аудан басшысы, сенбілік жұмыстарын өз бақылап, жасыл белдеу аймағын, әлеуметтік нысан алдындағы жұмыстарды бақылады. Бүгінгі шара ауылдың санитарлық жағдайын жақсартуға бағытталды.