Бүгін Созақ ауданының әкімі Мұхит Тұрысбеков, Шолаққорған ауылындағы жүргізіліп жатқан құрылыс нысандарын аралады. Алдымен аудандық қорғаныс істер жөніндегі бөлімге арнап салынып жатқан ғимаратын көрді. Жұмыстың сапасына, қарқындылығына назар аударды. Мердігер компанияның жүктелген міндеттерді қалай атқарып жатқанына көңіл бөлді. Құрылыс жұмыстарының бірқатар сын- ескертпелер айтып, аудан әкімдігінің құрылыс, сәулет қала құрылысы бөлімінің басшысы Жалғас Борсабаевқа қадағалау керектігін тапсырды.
Сондай-ақ мүмкіндігі шектеулі жандар мен ардагерлерге арналып қайта жасақталып, күрделі жөндеу жұмыстары жүргізіліп жатқан «Асыл жүрек және Тең қоғам» әлеуметтік қызметтер көрсету орталығының ғимаратында болды. Ондағы жұмыс барысын бақылады. Жанға жайлы болу үшін ғимарат маңын абаттандыру жұмыстарына назар аудару керектігін ескертті.
