Бұл туралы аудан әкімі Мұхит Тұрысбеков, белгіленген кестеден тыс, Көктөбе елді мекені тұрғындармен кездесу барысында мәлімдеді. Кездесу барысында атқарылып жатқан жұмысты баяндап, алда тұрған міндеттерді атап өтті.
– Шағын елді мекен назардан тыс қалмайды. Бүгін сіздерге арнайы келіп, атқарылған жұмыстарды баяндайын деп ат басын бұрдым. Биыл Көктөбе елді мекенінде асфальталады, – деген аудан басшысы, көпшілік сауалына жауап берді.
Сондай-ақ аудан әкімі Мұхит Тұрысбеков, Созақ ауылындағы “Балтабай” шаруа қожалығында болды. Шаруа қожалық басшысы Ыдырыс Жұманазаров, мал бордақылау алаңының жұмысын таныстырды. Заман талабына сай соғылған сыймдылығы 250 бас мал бордақылауында мал сою алаңы, қора жай, мал азығын сақтайтын орын бар. Бүгінде шаруа қожалығы 25 адамды жұмыспен қамтып отыр.
