Жаз мезгілінде Созақ ауданының мектеп оқушылары Түлкібас ауданы, «Машат» шатқалында орналасқан Бекзат Саттарханов лагерінде демалады. Үш маусымдың демалысқа 1100 оқушы қамтылған.
Аудан әкімі Мұхит Тұрысбеков, «Машат» шатқалындағы демалыс орнына арнайы ат басын бұрды. Оқушылардың жатын жайымен, лагерьдің тыныс тіршлігімен танысты. Ауыл, кент округтерден келген оқушылармен тілдесті. Лагердің салтанатты ашылуына қатысып, құттықтау сөз сөйледі.
«Жазғы демалысты табиғаты тамаша жерде өткізіп, жаңа дос табуларыңа тілектеспін. Мұнда уақытты тиімді өткізу үшін қолайлы жағдай жасалған. Мұнан бөлек аудандағы білім беру ұйымдарының жанынынан жазғы сауықтыру лагері ұйымдастырылды», – деді аудан басшысы Мұхит Тұрысбеков.
Жалпы Созақ ауданындағы 33 білім беру ұйымынан оқушылар демалысын өткізуде. Балалар мен жасөспірімдердің демалысы мен сауықтандырылуын қамтамасыз ету мақсатында ұйымдастырылып отырған үш маусымдық лагерьге асыраушысынан айырылған жандар, көп балалы отбасылармен үздік оқушылар қамтылған.
Демалушы балалар 5 мезгіл тамақ беріледі. Мұнда оқушылар өз уақыттарын тиімді өткізеді. Спорттық және интеллектуалдық шаралар ұйымдастырылады. Балалар жаңа дос тауып, көңіл көкжиегін кеңейтіп жаз мезгілін барынша қызықты өткізуге жағдай жасалған.
