Отырар ауданында 20-22 шілде волейболдан ересектер арасында Түркістан облысының IV спартакиадасы өтті.
Айтулы спорттық жарыста Созақ ауданының құрама командасы қатысып, 1 орынды жеңіп алды. Спортшыларымыз топтық ойындардың барлығын ұтып, топтан бірінші орынмен шықты. Жарыстың екінші күні жартылай финалда Бәйдібек ауданының құрама командасын жеңіп, ақтық сынға жолдама алды.
Созақтықтар финалда Шардара ауданының құрама командасымен кездесіп, қарсыласты 2:0 есебімен ұтып, Түркістан облысының чемпионы атанды. Сондай-ақ Созақ ауданы құрама командасының волейболшысы Амантай Мағдибейбарыс жарыстың үздік қорғаушысы номинациясымен марапатталды.
