Жаз мезгілі балалар үшін мамыражай уақыт. Оларға суға шомылу ерекше көңіл күй сыйлары сөзсіз. Алайда жасөспірімдердің тарапынан суға түсу ережесін сақтамай, келеңсіз жағдайлар орын алып жатады. Осы тұрғыда тиісті мекеме қызметкерлерінің жұмысы күшейе түседі.
Бүгін Отырар ауданы әкімдігі, аудандық төтенше жағдайлар бөлімі, №9 ӨСБ жеке құрамы, полиция бөлімінің өкілдері және ерікті жастармен бірлесіп аудан аумағында, оның ішінде суға шомылу аймақтарында, өзен-көлдерде балалар арасында суға бату жайттарының алдын алу шаралары жүргізілді.
Түсіндірме жұмыстарының барысында тұрғындарға суға шомылу барысында балаларды қараусыз қалдырмау, белгіленбеген су арналарының жағалауында суға шомылуға қатаң тиым салынатынын хабарлай келе, қауіпсіздік ережелері көрсетілген жадынама парақшалары таратылды.
Жазғы маусымда адамдардың тыйым салынған орындарда суға шомылудың алдын алу, суға түсу барысында қауіпсіздік ережелерін сақтау бағытындағы түсіндіру жұмыстары алдағы уақытта да жалғасатын болады.
