Сауран ауданының Төтенше жағдайлар бөлімі, Шорнақ ауылындағы №24 Өрт сөндіру бөлімі және Сауран ауданының әкімдігінің қызметкерлерімен бірлесе отырып, аудан аумағында орналасақан арнайы жабдықталмаған орындарда шомылып жүрген тұрғындар мен жас балаларға үгіт-насихат жұмыстарын жүргізді.
Аталған іс-шара барысында тыйым салынған белгісі бар орындарға және мас күйде шомылмау керектігі туралы түсіндірме жұмыстарын жүргізіп, қатысқан барлық адамдарға ескертпе жадынамаларын таратып, көрнекі жерлерге ілінді.
Сондай-ақ облыс аумағы мен аудан аумағында орын алған қайғылы оқиғаларға шолу жасап, қайғылы оқиғалардың алдын алу шаралары бойынша түсіндірме жұмыстары өтті.
Сонымен қатар арнайы жабдықталмаған су айдындарында шомылуға тиым салынатыны жөнінде және әкімшілік жауапкершілікке тартылатындығы туралы хабардар етті.
