Төлеби ауданында соңғы жылдары ауыз су мәселесі өзекті проблемалардың біріне айналды. Былтырғы жылдың жазында құрғақшылық болуына байланысты су тапшылығы орын алды.
Аталған мәселені шешу мақсатында Киелітас елді мекенінен жаңа су ұңғымасын іске қостық. Биылғы жылы көктем жауынды болуы салдарынан, аудан халқы ауыз судың сапасына наразылықтарын білдіріп, оны жақсартуды сұранып, халықпен кездесулерде, жеке қабылдауларда аталған мәселені жиі көтеріп келеді.
Аудан орталығы Ленгір қаласының тұрғындарын сапалы ауыз сумен қамту, тазарту (фильтрациялау) мақсатында “Көктерек” су тазалау имаратында су сүзгілері орнатылуда.
Аудан әкімдігінің өкілдері кеше бұлақ басына арнайы барып, су сүзгілерінің орнату барысымен, құрылыс жұмыстарының орындалуымен танысты. Аталған нысан құрылысына бюджеттен қаржы қарастырылып, бүгінде жұмыс толыққанды орындалуда. Су сүзгісін орнату ісі 2023 жылы толығымен аяқталады деп жоспарлануда. Нысан пайдалануға берілгенен кейін Ленгір қаласында ауыз су тапшылығы шешіліп, оның сапасы жақсарады деп күтілуде.
Су – тіршілік көзі. Онсыз өмірді елестету мүмкін емес. Ауыз судың сапасын қадағалау арқылы дені сау ұлт қалыптастыра аламыз. Бүгінгі күні су сапасына деген талаптарды күшейтіп, орын алған келеңсіздіктерді жою мақсатында жұмыстар жүргізілуде.
Аудан әкімі Төлеген Тұртайұлы мердігер мекеме басшысымен кездесіп, су сүзгілерін орнату ісін жоспарға сай жүзеге асуы мен оның сапасын қадағалауды тиісті бөлім басшысына тапсырды.
