Бүгінгі саяси маңызды күнде Төлеби аудандық полиция бөлімінің жеке құрамы қызметкерлерімен бірге қоғамдық қауіпсіздікті қадағалап, қызмет етумен қатар дауыс беріп, өз таңдауларын жасады.
Бұл сайлаудың өзгешілігі қолыңызға бес бюллетень беріледі. Бес бюллетень арқылы ҚР Парламенті Мәжілісінен, облыстық мәслихаттан орын алатын саяси партиялар мен бірмандаттық аумақтық сайлау округтері бойынша сайланатын депутаттарға таңдау жасайсыз.
Төлеби ауданы аумағында 68 сайлау учаскесі бар. Тіркелген сайлаушылар саны – 68637. Сайлау учаскелерінде заң талаптары сақталып, жұмыс жүргізілуде. Сайлаушылардың дауыс беруіне барлық мүмкіндіктер қарастырылған. Саяси науқанның өз деңгейінде, заң шеңберінде өтуін сенімді өкілдер мен бақылаушылар қадағалауда.
