Көрікті мекеніміздің келбеті тек сәнді де сәулетті ғимараттармен, жасыл желекті саябақтармен өлшенбейтіні белгілі. Күн сайын кемел келешекке құлаш сермеп, көркейіп келе жатқан ауданымыздың ажары оның тазалығына да тікелей байланысты.
Осы орайда, бүгін «Birge–taza Qazaqstan» республикалық акциясы аясында отырар ауданында сенбілік ұйымдастырылып, оған барша отырарлықтар өз үлесін қосты. Экологиялық тазалыққа үндейтін акция шеңберінде елді мекендердің аумағындағы қоқыс орындары, көп қабатты тұрғын үйлердің аулалары, каналдар, саябақтар мен көше бойлары арам шөптер мен күл-қоқыстан тазартылып, оған 15 техника тартылды.
Жалпыхалықтық шара барысында ауызбіршілік пен ынтымақтың ерен үлгісін көрсеткен көпшілік көңілді әрі белсенді қимылдап, тазалық жұмыстарына бір кісідей атсалысты.
