Созақ ауданының әкімі Мұхит Тұрысбеков, екі күн бұрын Жеткіншек елді мекені тұрғындарымен кездескен болатын. Кездесу барысында тұрғындар, елді мекен маңында күл қоқыс көбейіп кеткенін айтып алаңдаушылық білдірді.
Аймақ басшысы, ауыл округ әкімі мен тиісті мекемелерге күл қоқыстан тазартуды тапсырған болатын. Бүгін Жеткіншек елді мекенінің айналасын күл-қоқыстан арылтуға «Шолаққорған Су» МКК мен «Созақ сәулет» МКК және Шолаққорған ауыл әкімшілігінің жалпы саны он жұмысшысы мен 4 техника жұмылдырылып, тазалық жұмыстарын жүргізіді. Елді мекен айналасындағы мал өлекселер жиналып, арнайы орынға апарылды. Ретсіз қазылған шұңқырлар көмілді. Тұрғындар дер кезінде қолға алған іске ризашылығын жеткізді.
