Түркістан қаласында «Қауіпсіз ел» ұлттық жобасы жүйелі іске асуда. Аталған жобаның негізгі мақсаты – азаматтар мен мемлекеттің қауіпсіздігін қамтамасыз ету.
Түркістандық тәртіп сақшылап түнгі сағат 01:30 шамасында Б. Майлин көшесінде күдікке ілінген «MATIZ» маркалы көлікті тоқтатқан.
Тексеру кезінде, көліктегі жолаушының бірінен тапанша мен 4 дана оқ, 1 дана күкірт қорапшасына салынған «марихуана» есірткісіне ұқсас затты тауып, тәркіледі.
Оқиға орнына жедел-тергеу тобы шақыртылып, аталған жайт ҚР ҚК-нің 287-бабы «Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру» бойынша тіркелді. Сараптама тағайындалды. Бүгінгі таңда күдікті жолаушыға қатысты сотқа дейінгі тергеу амалдары жүргізілуде.
Айта кетейік, «Қауіпсіз ел» ұлттық жобасы отандық қару-жарақ үлгілерін әзірлеуге, инфрақұрылымды жетілдіруге, әскерді цифрландыруға байланысты міндеттерді шешуге мүмкіндік береді.
