Келес ауданының төбе биі Өмірзақ Өтенов тұрғылықты мекен-жайы бойынша тіркелген Абай ауылындағы №322 сайлау учаскесіне барып, өз таңдауын жасады.
– Бүгін елімізде Парламент Мәжілісі депутаттары мен барлық деңгейдегі мәслихат депутаттарының кезектен тыс сайлауы өтуде. Ауданның төбе биі ретінде бір кісідей бұл науқанына қатысып, еліміздің, ұрпағымыздың болашағы үшін өз таңдауымды жасауға келдім. Аудан тұрғындарының белсенділігін көріп қуанудамын» – дейді ақсақал өз сөзінде.
Сонымен қатар, келестік сайлаушылар дауыс беруге өздерінің бүлдіршіндерін де алып келген. Олар тарихи сәтті жас ұрпақтың бойына сіңіре отырып, оларға патриоттық тәлім тәрбие береміз деп отыр. Солардың бірі – Исмановтар әулеті. Сайлау науқанына бір кісідей атсалысқан отбасы мүшелері ұлттық киімде келді.
Айта кетейік, ауданда 61 сайлау учаскелері таңғы 7:00 ден өз жұмыстарын бастап кетті. Кешкі 20-00 ге дейін учаскелердің есігі аудан тұрғындары үшін ашық.
