Өткен жылғы футболдан әйелдер арасындағы Қазақстан чемпионатының күміс жүлдегері «Томирис-Тұран» командасы Чемпиондар лигасының бірінші турында «Манчестер Ситимен» кездеседі. Жеребе қорытындысы бойынша түркістандық аруларға ағылшынның азулы қарсыласы тап болды.
Командалар Чемпиондар жолында 11 топқа және Лига жолында 4 топқа бөлінген. Екі жолдағы бірінші раунд бір матч форматында ойналатын екі кезеңнен тұрады: жартылай финал және финал/үшінші орын матчтары. Әр финалдың жеңімпаздары (Чемпиондар жолында 11, Лига жолында төрт) екінші айналымға өтеді. Шағын турнирлердің қожайындары әр топтағы клубтардың арасынан таңдалады.
Қазақстанның қазіргі чемпионы «БИІК-Шымкент» «Чемпиондар жолы» үшінші тобына түсіп, жартылай финалда Хорватияның «Сплитімен», ал төртінші топта «Томирис-Тұран» «Манчестер Ситимен» ойнайды.
Бірінші кезеңнің жартылай финалдық ойындары 18 тамызда, ал финалдық кездесулер мен үшінші орын үшін кездесулер 21 тамызда өтеді. Ойындар Испанияның Мадрид қаласында өтеді. Қазақстанның атынан алғаш рет дүбірлі додада өнер көрсететін «Томирис-Тұранға» командасына сәттілік тілейміз.
Айта кетейік, маусым айында Қазақстан әйелдер құрамасының бас бапкері Айтбай Жамантаев оқу-жаттығу жиынына шақырылған футболшылардың кеңейтілген тізімін жариялады. Қуанарлығы, бұл тізімде Түркістанның «Томирис-Тұран» командасынан төрт бірдей нәзік жанды арулары бар. Бұлар – қорғаушылар Айгерім Айтымова, Бибігүл Нұрышева, Құндыз Қожахмет, жартылай қорғаушы Әселхан Тұрлыбекова.
