Сауран ауданының орталығы Шорнақ ауылдық округінде Түркістан облысы туризм басқармасының бекіткен кестесіне сәйкес, Түркістан облысы туризм басқармасының туристік қызмет саласындағы мемлекеттік реттеу және қолдау бөлімінің басшысы Асанхан Дархан Убайдуллаұлының басшылғымен мемлекеттік қолдау шараларын түсіндіру мақсатында жиналыс өтті.
Жиналысқа ауданның кәсіпкерлері мен ауылдық округтердегі осы салаға қатысты жауапты мамандар қатысты. Басқосу туризм саласындағы мемлекеттік қолдау шаралары мен жеңілдіктерін түсіндіру мақсатында өтті.
2021 жылғы 30 сәуірдегі «Қазақстан Республикасының кейбір заңнамалық актілеріне туристік қызмет мәселелері бойынша өзгерістер мен толықтырулар енгізу туралы» ҚР Заңына сәйкес жергілікті атқарушы органдар 2022 жылғы 1 қаңтардан бастап кәсіпкерлік субьектілері шығындарының бір бөлігін өтеу бойынша мынадай мемлекеттік қолдау шараларын жүзеге асыратыны белгілі:
Туристік қызмет обьектілерін салу, реконструкциялау кезінде кәсіпкерлік субьектілері шығындарының бір бөлігін өтеу;
Кәсіпкерлік субьектілерінің жол бойындағы сервис объектілерін салу бойынша шығындарының бір бөлігін өтеу;
Кәсіпкерлік субьектілерінің санитариялық-гигиеналық тораптарды ұстауға арналған шығындардың бір бөлігін субсидиялау;
Туристік қызметті жүзеге асыратын кәсіпкерлік субьектілеріне жүргізушінің орнын қоспағанда, сыйымдылығы сегізден астам отыратын орны бар автомобиль көлік құралдарын сатып алу жөніндегі шығындардың бір бөлігін өтеу.
