Бүгін, Жетісай аудандық ішкі саясат бөлімінің “Жастар ресурстық орталығы” КММ-нің инспекторлары «ZHAS PROJECT» гранттық жобасын түсіндіру мақсатында аудандағы халық көп шоғырланған мекендерде – Халықты жұмыспен қамту орталығында және орталық емханада, ХҚКО-да кәсіпкерлік қызмет көрсететін ұйымдарда түсіндіру жұмыстарын жүргізді.
Түсіндіру жұмыстарын жүргізу барысында әлеуметтік жобаларды жүзеге асыруға 1 млн теңгеге дейін гранттар берілетінін мәлемдеді. Жобаға әлеуметтік жобалары бар NEET санатындағы Түркістан облысының 18-29 жас аралығындағы жұмыссыз ретінде тіркелген жастар, аз қамтылған және көпбалалы отбасындағы ата-ана қамқорлығынсыз қалған және жетім балалар мен мүгедектігі бар жастар қатыса алады.
Жоба ҚР Ақпарат және қоғамдық даму министрлігінің тапсырысы бойынша Азаматтық бастамаларды қолдау орталығының мемлекеттік гранты аясында іске асырылуда, Түркістан облысы бойынша жобаның ұйымдастырушысы ретінде Қазақстан жастарының конгресі бекітілген.
Жобаның негізгі мақсаты – жастарды, әсіресе осал топтарды қоғамдастықтың өміріне тарту және қоғамдастықтың игілігі үшін қоғамдық пайдалы қызметті оқыту бағдарламасы арқылы өмірлік маңызы бар дағдыларды дамыту.
Қатысушылардың жобалары 16 бағыт бойынша жүзеге асырылады:
1) білім, ғылым, ақпарат, дене шынықтыру және спорт саласындағы мақсаттарға қол жеткізу;
2) азаматтардың денсаулығын сақтау, салауатты өмір салтын насихаттау;
3) қоршаған ортаны қорғау;
4) жастар саясаты мен балалардың бастамаларын қолдау;
5) отбасы-демографиялық және гендерлік мәселелерді шешуге жәрдемдесу;
6) халықтың әлеуметтік осал топтарын қолдау;
7) жетім балаларға, толық емес және көп балалы отбасылардан шыққан балаларға көмек;
халықты жұмыспен қамтуды қамтамасыз етуге жәрдемдесу;
9) азаматтар мен ұйымдардың құқықтарын, заңды мүдделерін қорғау;
10) мәдениет пен өнерді дамыту;
11) тарихи-мәдени мұраны қорғау;
12) қоғамдық келісім мен жалпыұлттық бірлікті нығайту;
13) пробация қызметтеріне оларда есепте тұрған адамдарға әлеуметтік-құқықтық көмек көрсетуге жәрдемдесу;
14) мемлекеттік қызметтер көрсету сапасына қоғамдық мониторинг жүргізу;
15) азаматтық қоғамды дамытуға, оның ішінде үкіметтік емес ұйымдар қызметінің тиімділігін арттыруға жәрдемдесу;
16) өмірлік қиын жағдайда жүрген адамға (отбасына) көмек көрсету.
Өтінімдер www.zhasproject-turkestan.kz сайтында қабылданады және ағымдағы жылдың 10 тамызына дейін жалғасады.
