Түркістан қаласы әкімдігі ішкі саясат бөлімі «Жастар ресурстық орталығы» КММ-нің «Түнгі қаладағы балалар», «Түнгі рейд», «Жасөспірім» атты тақырыбында кәмелетке толмағандар арасындағы құқықбұзушылықтың алдын алу бойынша іс-шаралар жоспарына сай ауқымды жұмыстар атқарылды.
Бүгінде Түркістан қалалық “Жастар ресурстық орталығында” жастармен жұмыс атқаратын 7 инспектор мен психолог, заңгер, социолог, мәдени ұйымдастырушы, жалпы 20 қызметкер жұмыс жасайды. Орталықтың сенім телефоны қалалық баспасөз беттерінде және әлеуметтік желілерде жарияланып тұрады. Орталық қызметкерлері мен ІІ басқарамасының қызметкерлері және адами әлеуетті дамыту бөлімінің мамандарымен бірлесіп, жас ұрпаққа құқықтық тәрбие беру- жан-жақты тәрбиенің маңызды бір саласындағы жасөспірімдердің құқықтық тәрбиесін арттыру, қылмыстың алдын алу мақсатында 2022 оқу жылының 1- ші жарты жылдығында ақпараттық-насихаттық кездесу жоспарында жиналыстар өткізілуде.
Қыркүйек пен қазан айларында жастар арасында құқықбұзушылықтың алдын алу, ата- анасының рұқсатынсыз жүрген жастарға, яғни 18 жасқа толмаған жасөспірімдерге түнгі рейд жұмыстарын атқару бойынша Түркістан қаласы Полиция басқармасының пробация бөлімі қызметі мен жастар ресурстық орталығы бірлесіп, меморандумға қол қойылды.
Меморандумға сәйкес, құқықтық сауаттылықты арттыру мақсатында «Ашық есік» күндерін өткізу тоқсанына бір рет жоспарланған болатын.
Жасөспірімдердің түнгі 23:00-ден кейін үй-жайдан тыс шығуы заңмен шектелгенін білсе де, ата-анасы дүкенге жіберетін жағдайлар да кездесіп отырады. Не болмаса көшеде жалғыз жүреді, көпқабатты тұрғын үй ауласында отырады.
Кәмелет жасқа толмағандарға сағат 22:00-ден 06:00-ға дейін заңды өкілдерінсіз ойын-сауық орталықтарына баруға тыйым салынады. Заң бұзылған жағдайда ата-анасына 7215 теңге (3АЕК) айыппұл салынады.
ҚР әкімшілік құқықбұзушылық кодексінің 442-бабының 3 бөлігі бойынша айыппұл ойын-сауық мекемелерін де айналып өтпейді. Балалардың үлкендердің қарауынсыз ойын-сауық орталығында болуына жол бергені үшін мекеме басшыларына 24 050 теңге (10 АЕК) айыппұл салу көзделген.
Кәмелетке толмағандар сағат 23:00-ден таңғы 06:00-ға дейін заңды өкілдерінің ертіп жүруінсіз тұрғын жайдан тыс жерде жүрсе, бірінші ретте ата-анасына жазбаша ескерту жасалады. Әкімшілік жаза қолданылғаннан кейін бір жыл ішінде қайталап жасалған әрекеттер – заңды өкілдеріне 12 025 теңге (5 АЕК) айыппұл салуға әкеп соғады. Егер кәмелет жасына толмағандар құқық бұзушылық әрекетті жылына 2 рет қайталаса, жергілікті ішкі істер бөліміне тіркеуге алынып, 18 жасқа дейін есепте тұрады.
Бұдан бөлек, жасөспірімнің алькоголді ішімдік ішкені анықталса, наркологиялық орталыққа 4 айға есепке алынатыны жайлы түсіндіру жұмыстары жүргізіліп отырылады.
“Құқықбұзушылықтың алдын алу бойынша жыл басынан бері 35 рейдтік шарасы өткізілді. Жыл соңына дейін, аталған шара жалғасын табады”, – дейді «Жастар ресурстық орталығы» басшысының міндетін атқарушы Н.Құдретолла.
