Биылғы Балалар жылына орай «Балауса» жазғы лагерінде кезекті кинокөрсетілім өтті. Түркістан облысы мәдениет басқармасы «Оңтүстікфильм» мекемесінің ұйымдастыруымен өткен көрсетілімде демалушы көрермен қазіргі таңда жастар арасында кеңінен танылып жүрген «TREND media» балалар киностудиясының «Құмыра» және «Жазғы демалыс» балалар фильмін тамашалады.
Түркістан қаласы адами әлеуетті дамыту бөліміне қарасты Балалардың жазғы сауықтыру демалыс лагерінде бір ауысымда 150 бала демала алады.
Еске сала кетейік, оңтүстік өңірде түсірілген көркем және анимациялық фильмдерді насихаттау мақсатындағы мұндай көрсетілімдер облыс орталығындағы мектептер мен балабақшаларда, сондай-ақ аудан-қалаларда тұрақты түрде өткізіліп келеді.
