Шілде айының 1-3 күндері аралығында Қырғызстан Республикасының Шолпан Ата қаласында каратэден балалар, жасөспірімдер, жастар арасында Азия чемпионаты өтті.

Азия құрлығының әр түкпірінен жиналған кіл мықты каратэшілер арасында өткен жарыста, еліміздің намысын қорғаған түркістандық спортшылар 1 алтын, 1 қола жүлдені қанжығаларына байлады.

Атап айтар болсақ, балалар арасында 35 келі салмақ дәрежесінде бақ сынаған спортшы қызымыз Абдрасил Айзере қарсылас шақ келтірмей, өз салмағының үздігі атанды. Сондай-ақ, 42 келі салмақ дәрежесінде спортышымыз Кенжебек Нұржан үздік үштікті қорытындылап қола жүлдегер атанды.

Жүлделі орындарға ие болған спортшыларымыз мен жаттықтырушымыз Батырхан Әділетті жетістіктерімен құттықтай келе, алдағы уақытта да тек жеңіс тұғырынан көріне берулерін тілейміз!