«1-желтоқсан – дүниежүзілік ЖИТС-ке қарсы күрес» күніне орай Түркістан жоғары медицина колледжінің жалпы кәсіптік пәндер 4 ЦӘК дәрігер оқытушыларының ұйымдастыруымен «Мен АИТВ-ның алдын алуын қолдаймын» тақырыбында акция өткізілді.
Сондай-ақ акция барысында барлық колледж қызметкерлері мен студенттеріне «Облыстық СПИД-тің алдын алу және онымен күресу орталығы» мамандарының экспресс-тесттін ерікті түрде анализ тапсыруға шақырды. Акция барысында СПИД жайлы мәліметтер туралы 7 бекет орналастырылды. Бірінші бекет –– «Облыстық СПИД-тің алдын алу және онымен күресу орталығы» мамандарынан АИТВ/ЖИТС туралы мәліметтер алу. Екінші бекет – «Облыстық СПИД-тің алдын алу және онымен күресу орталығы» мамандарының экспресс-тест, Үшінші бекет – стоматологиядағы АИТВ инфекциясының жұғу жолдарын түсіндіру және алдын алу жолдарын көрсетумен айналысты. Төртінші бекет – «қызыл лента және ақпарат көздерімен тарату» акциясы өткізсе, бесенші бекет Космитологиядағы АИТВ инфекциясының жұғу жолдарын түсіндіру және алдын алу жолдары көрсетумен, алтыншы бекетте «Мен ЖИТС-қа қарсы күресті қолдаймын» атты суреттер байқауы ұйымдастырылды. Жетінші бекетте «Біз АИТВ/ЖИТС жайлы не түсіндік?» атты викторинасы ұйымдастырылды.
Жалпы, ЖИТС жайлы көп естиміз. Бірақ оған көбіміз мән бере бермейміз. «Оның бетін ары қылсын!», «Құдай сақтасын!» дейтініміз рас. Бірақ «Сақтансаң сақтайды» демекші, ғасыр індеті атанған дерт жайлы білгеніміз – ұрпағымызды сақтағанымыз.
Колледж директорының тәрбие ісі жөніндегі орынбасары А.Мирзахмедова, Түркістан қаласы ішкі саясат бөлімі жастар ресурстық орталығынын жастар ісі бойынша маманы Сұлушаш Пернебайқызы және психолог Бибигуль Ерланқызы, Облыстық ЖИТС-тің алдын алу және онымен күресу орталығының профилактикалық жұмыстар бөлімінің маманы Кенжегулов Марат Ануарович іс-шараны тамашалап, студенттердің көрмені таныстыруларына жоғары баға берді.
Акция барысында АИТВ жұқтырғаннан кейін де өмір бар екенін, сонымен қатар, Жақын адамыңыз осындай дертке душар болған жағдайда кеудесінен итермей, қолдауға тырысу қажет екенін атйып өтті. Өйткені, науқастың күйзеліске толы болатын ендігі өмірінде достары мен туыстарының қолдауы ауадай қажет. Мамандар АИТВ жұқтырған науқастың отбасында әр адамның өзіне тиесілі маникюр құралдары, қырынатын ұстарасы мен жеке тіс щеткасы болуы тиіс екенін ескертіп акцияны аяқтады.
