Облыс орталығыныың қоғамдық көліктері қатары тағы 8 жаңа заманауи автобуспен толықты.

Жаңадан келген автобустар ертеңнен бастап қолданыстағы №10- шы қоғамдық көлік бағытында жолаушы тасымалдайды.

Автобустар сыйымдылығы жоғары, «Еуро-5» стандартына сәйкес келетін – «YUTONG» маркасына тиесілі. Ұзындығы – 8,5 метр, жалпы сыйымдылығы – 60 адам.

Ішінде заманауи электронды төлем жүйесі орнатылып, салқындатқыш-жылытқыш құрылғысымен қамтылған.

Айта кетейік, жыл соңына дейін, «Жолаушы» ЖШС-і тарапынан осындай үлгідегі 24 жаңа автобус алынып, қолданыстағы қалаішілік әлеуметтік маңызы бар №2а, №12, №3 бағыттарында қайта жандандырып, жүргізу жоспарланған.

Еске салсақ, өткен айда Түркістан халықаралық әуежайына жаңа қоғамдық көлік бағыты іске қосылды. Түркістан қаласындағы мәдени-рухани орталық аймағындағы «Керуен сарай» кешенінен Түркістан халықаралық әуежайына дейін №20 жаңа қалаішілік қоғамдық көлік бағыты ашылды. Бағыттың жалпы ұзындығы 30 шақырым. Жол жүру уақыты мен жүру жиілігі – 50 минутты құрайды. Тұрғындар үшін 70 теңге көлемінде қолжетімді жол жүру тарифі белгіленген. Ұзындығы 8,5 метрді құрайтын заманауи автобустар электрондық билет жүйесімен, бақылау камераларымен, желдеткіш жүйесімен, сонымен қатар, мүмкіндігі шектеулі жандарға арналған орындармен, пандуспен жабдықталған.