Түркістанда биыл 200-ге жуық көше реттеліп, абаттандырылмақ. Атап айтқанда, Телемұнара аумағында Тұран саябағы мен Қызылорда тас жолы бойына гидрантты суғару жүйесі жүргізіліп, Тұран саябағы мен Төле би көшесі бойы және Әлқожа ата кесенесі аумағы абаттандырылады.
Сонымен бірге, Майкотов көшесі бойына желілік саябақ салу жоспарлануда. Абаттандырылатын көшелерде балалар ойын алаңшалары мен демалатын орындардың саны артып, қала көркін ашатын сәулет мүсіндері орнатылады деп күтілуде. Жалпы жыл ішінде 200-ге жуық көшені көгалдандырып, абаттандыру жоспарланған.
