«Қазақстан – ата жұртым, қасиетім – ана тілім». Дәл осындай атаумен қазақ тілі мен әдебиеті пәні бойынша қазақ диаспорасының балаларына арналған XIX Халықаралық олимпиадасы Түркістан төрінде бастау алды. Олимпиада 1-шілдеге дейін жалғасады.
Олимпиадаға алыс және жақын шетелдегі тұратын отандастардың дарынды қазақ балалары 69 оқушы қатысады. Атап айтсақ, Қырғызстан Республикасынан; Өзбекстан Республикасынан; Ресей Федерациясынан келген отандастары бақ сынауда. Бұдан бөлек, олимпиадаға Иран Ислам Республикасы және Моңғолия Халық Республикасынан оқушылар онлайн қатысады.
Олимпиада мақсаты – шет елде тұратын қазақ диаспорасы балаларының мемлекеттік қолдау білдіру арқылы туған тілін оқып үйренуге, қазақ балаларының туған жеріне, тарихи отанына деген сүйіспеншілігін арттыру. Білім сайысы Фараб кітапханасында өтуде.
