Бүгін Түркістан қаласы бастамасымен “Жұмыспен қамту және әлеуметтік бағдарламалар бөлімі” ММ-нің “Әлеуметтік қызмет көрсету орталығы” коммуналдық мемлекеттік мекемесі 1 маусым – Балаларды қорғау күніне арналған «Шаттық шуағы» атты мерекелік шара өтті.
Балаларға көтеріңкі көңіл-күй сыйлауды мақсат еткен шараға Түркістан қаласының прокуроры Нәрікбаев Каукен Бахытбайұлы, қала әкімінің орынбасары Мекенхан Қозыханұлы арнайы қатысты.
Шара барысында балалар сахнада өз өнерлерін көрсетіп, ән шырқап, би билеп, көрермендерге ерекше көңіл-күй сыйлады.Балалар арасында түрлі ойындар мен викториналар ойнатылып, аниматорлармен көңілді шоу-бағдарлама ұйымдастырылды. Сондай-ақ, балалардың шығармашылығы мен қиялын танытатын «Біздің әлем» атты композиция көрермен жүрегінен ерекше орын алды
Шара соңында мерекелік шараға қатысқан 100 ден астам балаға сыйлықтары табысталды.
