Түркістанда бокстан Сидней олимпиадасының күміс жүлдегері, әлем чемпионатының күміс жүлдегері Мұхтархан Дәлдәбековтің жүлдесіне арналған халықаралық жарыс өтті. Бокс додасына Қытай, Қырғызстан, Өзбекстан, Иемен және Қазақстанның барлық өңірінен ең таңдаулы деген боксшылар қатысты.
Сидней олимпиада ойындарында күміс жүлдегер атанған Мұқтарханның ғаламат жеңісі күні бүгінге дейін елдің есінде. Қазір аңыз болып айтылады. Биыл оныншы мәрте жалауы желбіреген бұл халықаралық додада сөз сөйлеген Түркістан облысының дене шынықтыру және спорт басқармасының басшысы Қанат Жолдықараев бұл турнирдің жыл сайын қанатын кеңге жайып келе жатқанын жеткізді. Ал, бокстан олимпиада ойындарының жеңімпазы Ермахан Ибраимов бауыры Мұқтарханның тұла бойындағы дара қасиеттері мен дара боксшының ерекше қабілетін айта өтті.
Түркістандағы «Olympic Centr» спорт кешенінде өткен жарыста 120-ға жуық спортшы 13 салмақ бойынша жеңімпаздарды анықтады.
– Бокстан менің жүлдеме арналған дәстүрлі жастар арасындағы Х халықаралық турнир 5 күн жалғасып, бүгін өз мәресіне жетті. Финалда барлық жекпе-жек қызу, әрі қызық болды. Ұйымдастырушылар мен қонақтарға, облыс әкімдігіне, жас спортшылар мен бапкерлерге, төрешілер мен жанкүйерлерге үлкен раxмет! Арнайы ат басын бұрып келген, ел намысын xалықаралық ареналарда абыроймен қорғаған чемпиондар – Ермаxан Ибраимов, Болат Жұмаділов, Галип Джафаров, Біржан Жақыпов, Қайрат Ералиевке, сондай ақ ҚР ҰОК спорт дирекциясының басшысы Елсияр Қанағатовқа, спорт жанашырлары Шымкент қаласы мәслиxатының xатшысы Бахадыр Нарымбетовке, Шымкент қаласы мәслиxатының депутаттарына алғысым шексіз! Көк туымыз көкте желбірей берсін, жеңісті күндер көп болғай! – деді Мұхтархан Ділдәбеков.
Жеңімпаздар мен жүлдегерлер тізімін назарларыңызға ұсынамыз:
48 кг
1-орын Турабеков Нұрғиса Түркістан облысы
2-орын Сүлеймени Төлепберді Шымкент қ.
3-орын Абай Темірлан Жамбыл облысы
Жиенбаев Оразбек Өзбекстан
51 кг
1-орын Тұралин Оралхан Ақтөбе қ.
2-орын Ақпанбаев Алихан Павлодар облысы
3-орын Тоқтаров Али Нұр-Сұлтан қ.
Арифов Фирдабс Тәжікстан
54 кг
1-орын
Қалдыбаев Нұрислам Түркістан облысы
2-орын Алиев Полат Алматы қ.
3-орын Тлеуқұлов Ибрагим Алматы қ.
Карбоз Мейіржан Алматы қ.
57 кг
1-орын Ильясов Саят Өзбекстан
2-орын Жолдасбаев Арслан Түркістан облысы
3-орын Серік Естай ҚХР
Төрехан Диас Шымкент қ.
60 кг
1-орын Елемес Әділет Түркістан облысы
2-орын Садық Нұркелді Жамбыл облысы
3-орынСмайл Нұрсұлтан Түркістан облысы
Дәнен Сұлтан Алматы қ.
63.5 кг
1-орынТұрғынбек Архат Түркістан облысы
2-орын Ливаза Омар Қырғызстан
3-орын Садықов Амангелді Қырғызстан
Төлеген Ерсұлтан Түркістан облысы
67 кг
1-орын Мурсал Нұрбек Алматы қ.
2-орын Шахар Руслан Түркістан облысы
3-орын Бегалиев Берік Өзбекстан
Омаров Мирас Қырғызстан
71 кг
1-орын Абдулла Садриддин Түркістан облысы
2-орынТелеубек Арнұр Нұр-Сұлтан қ.
3-орын Ашимов Саят Өзбекстан
Насирбеков Нұрислам Түркістан облысы
75 кг
1-орын Асанбекоа Атай Қырғызстан
2-орын Жолдасхан Азатбек Шымкент қ.
3-орын Ауезханов Қуаныш Ақтөбе қ.
Мирзаеы Жавохирбек Өзбекстан
80 кг
1-орын Мурасбеков Бекбол Қырғызстан
2-орын Сайлау Санжар Шымкент қ.
3-орын Сабыржан Нұрбек Нұр-Сұлтан қ.
86 кг
1-орын Ражапов Эмирхан Қырғызстан
2-орын Кутанов Азирет Қырғызстан
92 кг
1-орын Қанатбек Әлижан Жамбыл облысы
2-орын Амангелді Нұрасыл Түркістан облысы
+92 кг
1-орын Сапар Ерсұлтан Алматы қ.
2-орынТөлен Айқын Түркістан облысы
3-орынТаджиханов Ақарыс Шымкент қ.
Айта кетейік, Мұхтархан Қабыланбекұлы Ділдәбеков 1976 жылы 19 наурызда бұрынғы Мақтаарал ауданында дүниеге келген. Боксшы, Қазақстанның еңбек сіңірген спорт шебері (1997), аса ауыр салмақта Олимпиада ойындарының (2000) және әуесқой бокстан әлем чемпионатының (1999) күміс жүлдегері, «Парасат» орденінің иегері (2000).
1994 жылы Шымкент гуманитарлық университетіне түскеннен кейін бокспен айналыса бастады. Алғашқы жаттықтырушысы – Н.Сафиуллин. 1996 жылы Ташкент қаласында өткен С.Джексон атындағы халықаралық турнирде ауыр салмақта (91 кг-нан жоғары) жеңіс тұғырына көтеріліп, спорт шебері атанды. Үш рет Қазақстанның (1997, 1998, 1999), Бангкокте өткен ХІІІ Азия ойындарының (1998) чемпионы, Қазақстан – Куба боксшыларының жолдастық кездесуінің (1998) және Варшавада (Польша) өткен Ф.Штамм атындағы халықаралық турнирдің (1999) жеңімпазы, дүниежүзілік чемпионаттың (1999, Хьюстон, АҚШ), ХХVIII Олимпиада ойындарының (2000, Сидней, Австралия) күміс жүлдегері. ХХVIII Олимпиада ойындарына (2004, Афины, Грекия) қатысқан.
