Қазақстан Тәуелсіздік алған жылдардан бері мемлекеттік–конфессиялық қатынастарда зайырлылық моделін ұстана отырып дамуда. Қазақстанда қазіргі таңда 18 конфессияның мүдделерін білдіретін үш жарым мыңнан астам діни субъектілері ресми түрде тіркелген. Бүгін бұл туралы Түркістан қаласындағы №8 Нәзір Төреқұлов атындағы жалпы орта мектебінде «Дін саласындағы мемлекеттік саясаттың негізгі қағидаттары және адамның ар-ождан бостандығына құқығы» тақырыбында өткен жиында сөз болды.
Жиынға қатысушылар діни саналуандық жағдайында дін саласындағы негізгі үдерістер мен үрдістерді елеп-екшейтін мемлекеттік саясатты күн тәртібіне қойып әңгіме өрбітті. Бұл тұрғыда, министрікпен әзірленген және таяда Елбасы жарлығымен бекітілген Дін саласындағы мемлекеттік саясаттың 2017-2020 жылдарға арналған тұжырымдамасының маңызы зор.
Дін саласындағы мемлекеттік саясатты қазіргі жаһандық үдерістер мен уақыт талабына сай қайта толықтыру мен жетілдіру мемлекетіміздің ішкі және сыртқы қауіпсіздігін қамтамасыз етуге мүмкіндік берері анық.
Қазақстан Тәуелсіздік алған жылдардан бері мемлекеттік–конфессиялық қатынастарда зайырлылық моделін ұстана отырып дамуда.
Қыркүйек айының 26-сы күні Түркістан қаласындағы Қ.А.Ясауи атындағы Халықаралық Қазақ-Түрік Университетінде «Дін мәселесі төңірегінде жастардың көзқарасы» тақырыбында пікір алмасу жиыны өтті.
Жиын барысында тәуелсіздігімізді алғаннан бері ұмыт бола бастаған көптеген діни құндылықтарымыз бен тарихи, мәдени құндылықтарымызға қайта қауышқанымыз, жастардың діни сауаттылығы қазіргі қоғамда күрделі әрі өзекті мәселелердің бірі екені баса айтылды. Жастардың рухани санасын оятуда діннің алар орыны ерекше екені даусыз.
«Жастардың діни сауаттылығын арттыруда әрине бірінші кезекте ислам дінінен ақпарат беру маңызды. Өйткені қазіргідей қоғамда дінді бұрыс бұрмалаудың нәтижесінде, оның ішкі-мазмұнына үңілместен қаралайтын да жағдайлар кездеседі. Ислам діні адамзат баласын тазалыққа, ілім-білімге, талапты болуға шақыратын дін», – деді мамандар.
