5-маусым Дүниежүзілік қоршаған ортаны қорғау күні. Осыған орай, бүгін табиғат жанашыларына арналған салтанатты жиын өтті.
Жиында Түркістан облысының табиғи ресурстар және табиғат пайдалануды реттеу басқармасының орынбасары Болысбек Шәріпбеков сала мамандарын кәсіби мерекесімен құттықтап, белсенді жұмыс атқарғандарды марапаттады. Олардың қатарында табиғат басқармасының қызметкерлері мен экология департаментінің өкілдері бар.
– Егеменді еліміздің табиғатын қорғау және экологиялық ахуалын жақсарту жолындағы қызметтеріңіздің жемісін көріңіздер. Қоршаған ортаны сақтау, оны жақсарту жолындағы еңбектеріңіз үшін мың алғыс! Елге жасап отырған қызметтеріңіз баянды болсын! Марапаттарыңыз құтты болын, – деді басқарма басшысының орынбасары Болысбек Шәріпбеков.
Шара барысында ҚР Экология және табиғи ресурстар министрлігінің «Экология саласының үздігі» төсбелгісі мен «Құрмет» граматосымен марапатталды. Сонымен қатар облыс әкімінің орынбасары Нұрбол Тұрашбеков пен облыстық табиғи ресурстар және табиғат пайдалануды реттеу басқарма басшысы Қайрат Абдуалиевтың Алғыс хаттары табысталды.
Іс-шара соңында марапат иелерінің құрметіне орай концерттік бағдарлама ұсынылды.
Баршаңызға экология саласының дамуы мен өркендеуі жолында зор денсаулық, табыс тілейміз!
Түркістан облысы табиғи ресурстар және табиғат пайдалануды реттеу басқармасының баспасөз қызметі
