Түркістан облысының әкімі Нұралхан Көшеровтің Түркияның ұлттық мәжіліс депутаты, «АК» партиясының Бас хатшысының орынбасары Зорлу Кюршадпен кездесуі өңірлік және халықаралық деңгейде стратегиялық маңызды оқиға болып саналады. Кездесу екі ел арасындағы экономикалық, инвестициялық, мәдени және әлеуметтік әріптестікті нығайтуға бағытталған. Бұл іс-шара тек ресми келіссөздер алаңы емес, сонымен қатар Түркістан облысының халықаралық инвестициялық имиджін көтеруге, жаңа жобалар мен серіктестіктерді іске асыруға мүмкіндік беретін маңызды платформа ретінде бағаланады.
– Осы кездесу екі ел арасындағы достық қарымқатынасты одан әрі нығайтуға серпін беретініне сенімдімін. Біздің ортақ тіліміз бен тарихымыз бар. Өздеріңізге белгілі, 1991 жылдың 16 желтоқсанында еліміздің тәуелсіздігін алғаш болып мойындап, қолдау көрсеткен –Түркия елі. Сондықтан, Қазақстан мен Түркия арасындағы бауырластық қарым–қатынас ерекше екенін атап өткім келеді. Биыл екі ел арасында дипломатиялық қатынастың орнағанына 33 жыл толып отыр. Қазақстан Республикасының елшілігі алғаш рет 1992 жылдың қазан айында Анкара қаласында ашылды. Түркия елі – еліміздің ең сенімді және ірі сауда әріптесі. Түрік инвесторларының біздің облысымызда инвестициялық жобаларын жүзеге асыруына жан-жақты көмек көрсетуге дайынбыз, – деді облыс басшысы Нұралхан Оралбайұлы.
Түркияның ұлттық мәжіліс депутаты Түркістан облысының әлеуетін жоғары бағалап, бірлескен жобаларды жүзеге асыруға дайын екенін жеткізді. Бауырлас Қазақстан мен Түркия арасындағы достық пен ынтымақтастық байланыстар жаңа деңгейге көтерілгенін тілге тиек етіп, ынтымақтастық екі ел үшін де жемісті болатынына сенім білдірді.
Түркістан облысында түрік компанияларының қатысуымен 2 ірі инвестициялық жоба жүзеге асырылды. Атап айтқанда, Түркістан қаласында халықаралық әуежайдың құрылысын «YDA Holding» компаниясы рекордтық қысқа мерзімде жүзеге асырды. Сонымен қатар Түркістан қаласына туристерді тарту мақсатында «Керуен – Сарай» туристік кешені салынып, халық игілігіне берілді. Бұл нысандар өңірде туризм саласын дамытуға оң ықпалын тигізуде. Одан бөлек, облыста үкіметаралық келісім негізінде Қожа Ахмет Ясауи атындағы Халықаралық қазақ-түрік университеті жұмыс істеуде.
Қазіргі уақытта біздің облыста қолайлы инвестициялық ахуал құрылған. Өңіріміздің 20 индустриялық аймақ және «Turan» арнайы экономикалық аймағы құрылған. Онда инвесторларға дайын инфрақұрылымы бар жер учаскесі және дайын өндіріс алаңдары ұсынылады. Арнайы экономикалық аймақ өз қатысушыларына салықтардан, кедендік баждардан және инфрақұрылымы бар жер учаскелерінен өтеусіз негізде босатуды қамтитын ерекше құқықтық режимді ұсынады. Сонымен қатар жаңа өндірістік жобаларды инфрақұрылыммен қамтамасыз ету үшін «Шағын өнеркәсіптік парктер» салынуда.Екі ел арасында өзара тауар айналымы 2024 жылы 5 млрд. АҚШ долларға жетті. Оның ішінде, Түркістан облысымен 87,5 млн. АҚШ долларын құрады. Экспорт 51,2 млн. АҚШ долларын құраса, импорт – 36,3 млн. АҚШ доллары.
Президент Қасым-Жомарт Тоқаев өз Жолдауларында халықаралық әріптестікті дамыту, өңірлерді инвестициялық тұрғыдан тартымды ету, экономиканы әртараптандыру және халықтың әл-ауқатын арттыру қажеттігін бірнеше рет атап өткен. Осы тұрғыдан алғанда, Түркиялық делегациямен келіссөздер өткізу Түркістан облысының экономикасын халықаралық деңгейде таныту, шетелдік инвесторлар мен серіктестерді тарту стратегиясының маңызды бөлігі болып табылады. Тоқаев Жолдауларында аймақтарды дамыту тек ұлттық жобаларға сүйеніп қана қоймай, шетелдік тәжірибені енгізу арқылы да жүзеге асырылуы керектігі көрсетілген.
Түркістан облысының экономикалық әлеуеті ерекше және әртарапты. Географиялық орналасуы, ауыл шаруашылығының дамуы, агроөнеркәсіптік кешеннің мүмкіндіктері, туристік әлеуеті, өндірістік инфрақұрылым және еңбек ресурстарының молдығы инвесторлар үшін тартымды. Бұл өңірдің инвестициялық жобаларды жүзеге асыруға арналған нақты мүмкіндіктерін көрсетеді. Президент Тоқаев өз Жолдауларында өңірлік экономиканың дамуы үшін инвестициялық ахуалды жақсарту, шетелдік компанияларды тарту, жаңа өндірістер мен инфрақұрылым жобаларын қолдау қажеттігін бірнеше рет атап өткен.
Инвестициялық жобаларды жүзеге асырудың басты тиімділігі – экономиканың әртараптануы. Түркістан облысы дәстүрлі ауыл шаруашылығымен қатар, өңдеу өнеркәсібін, туризмді, логистиканы, қызмет көрсету саласын дамытуға мүмкіндікке ие. Түркиялық инвесторларды тарту арқылы агроөнеркәсіптік өндірісті жаңғыртуға, заманауи өндірістер ашуға, экспорттық әлеуетті арттыруға және жергілікті өнімдерге қосылған құн енгізуге болады. Президент Тоқаев Жолдауларында әр өңірдің өзінің экономикалық артықшылықтарын тиімді пайдалануы қажеттігін атап көрсеткен.
Түркістан облысының әкімі Нұралхан Көшеровтің Түркиялық делегациямен кездесуі өңірдің экономикалық әлеуетін халықаралық деңгейде таныту, инвестициялық жобаларды тарту, өндіріс саласын дамыту, туризм және инфрақұрылымды жаңғырту, әлеуметтік және мәдени ынтымақтастықты арттыру жолындағы стратегиялық маңызды қадам болып табылады. Бұл бастама Мемлекет басшысы Қасым-Жомарт Тоқаевтың Жолдауларында айқындалған инвестиция тарту, өңірлік дамуды қамтамасыз ету, экономиканы әртараптандыру және халықтың әл-ауқатын арттыру мақсаттарымен толық үйлеседі. Түркиялық серіктестермен бірлескен жобалар Түркістан облысының тұрақты дамуына, экономикалық өсіміне, технологиялық трансфертке және халықтың өмір сапасының артуына берік негіз қалдырады.
