Түркістан қаласында этнос жастарының қатысуымен «Жасанды интеллект – жаңа дәуірге» тақырыбында пікірсайыс өтті. Аталған дебатты Түркістан облыстық қоғамдық даму басқармасы «Қоғамдық келісім» КММ-і басшысының орынбасары Ерназар Баетов ашып, жүргізіп отырды.
Пікірсайысқа Түркістан облыстық ҚХА жанындағы құрылымдарының мүшелері, облыстық ҚХА жанындағы этномәдени бірлестіктер және «Ассамблея жастары» РҚБ Түркістан облыстық өкілдігінің мүшелері қатысты.
– «Білімдінің күні жарық» деген нақыл сөз бекер айтылмаған. Дебат – жастарды көшбасшылыққа баулудың бірден-бір жолы. Ел ертеңі болатын жастардың өз ойын ашық білдіріп, еркін сөйлеуі маңызды. Осындай іс-шаралар жастарымыздың ой-өрісін дамытары анық. «Жалпы мемлекетіміз үшін мен не істей аламын? Өз мемлекетімді гүлдендіру үшін, жалпы дамыту үшін біз қандай тетіктерді пайдаланамыз?» деген сияқты маңызды сауалдарға жастар жауап алып, білім көкжиегін кеңейтері сөзсіз, – деді Ерназар Көпжасарұлы.
