Түркістан облысында киберқылмысқа қарсы күрес қызметкерлері орын алған интернет-алаяқтық қылмыстарын саралап, жергілікті халықтың қаржылық сауаттылығын арттыру мақсатында жүйелі профилактикалық іс-шараларды үнемі ұйымдастырып келеді.
Мысалы, 18-20 сәуір күндері аралығында ақпараттық технологияларды пайдалана отырып жасалатын құқық бұзушылықтарға, оның ішінде интернет-алаяқтыққа қарсы күрес тиімділігін арттыруға бағытталған “Anti-Fraud” жедел-профилактикалық іс-шарасы өтіп жатыр.Естеріңізге сала кетейік бірер жыл бұрын Түркістан облысында жасөспірімдерді суицидке итермелейтін топтың «кураторы» ұсталған еді.
ҚР ІІМ-нің баспасөз қызметінің мәліметінше, топ жетекшісінің тұлғасын анықтау интернет желісіне мониторинг жүргізу кезінде мүмкін болған. ІІМ Криминалдық полиция және тергеу қызметкерлері кәмелетке толмаған қазақстандықтардың қатысуымен өз-өзіне қол жұмсау сипатындағы топ туралы ақпарат тапқан. Бұл топтың мүшелерін анықтау және ұстау үшін ҚР ІІМ Киберқылмысқа қарсы іс-қимыл орталығының және Түркістан облысы Полиция департаментінің қызметкерлерінен арнайы жедел-тергеу тобы құрылған. Одан арғы жұмыс барысында полицейлер интернетте ұйымдастырушының ның жеке-бас деректері мен мекенжайын анықтап, қолға түсірген. Ол Арыс қаласының тұрғыны болып шықты.
«Оның үйін тінту кезінде ноутбук, ұялы телефон, сим-карта салынған 3 қорап және басқа да заттай дәлелдемелер алынды. Телефонынан Telegram-да ашылған суицидтік бағыттағы каналдар болды. Қазіргі уақытта аталған жайт адам өлтіруге оқталу бойынша тіркеліп, сотқа дейінгі тергеу амалдары жүргізілуде. Сот санкциясымен күдікті қамауға алынды. Полиция қызметкерлері істің толық мән-жайын тексеруде. Сондай-ақ жасөспірімдерді осындай өлімге әкелетін ойындарға қатыстыруы мүмкін адамдарды және арна қатысушыларының өздерін де анықтау үстінде», – деп атап өтті ІІМ-нен.
Сол орын алған жағдайлардан соң министрлік ата-аналарды балалардың виртуалды өміріне бақылауды күшейтуге шақырады. Және шұғыл қажетті шаралар қабылданатын осыған ұқсас жайттар орын алса, тез арада полицияға хабарлауды сұрайды.
Құқық қорғаушылардың жедел әрекет етуінің арқасында Түркістан облысында тұрғындардан алаяқтықпен ақша алып, құмар ойынға салып жіберген күдікті ұсталды. Жедел-іздестіру іс-шаралары кезінде Созақ аудандық полиция бөлімінің қызметкерлері алаяқтық қылмысын жасады деген күдікпен бұрын сотты болған 35 жастағы жергілікті тұрғынды қолға түсірді. Күдікті ер адам өзінің танысын кәсіпорындардың бірінде оператор қызметіне жұмысқа орналастырып беремін деген желеумен сеніміне кірген. Одан 1 миллионға жуық қаржысын алып, байланысқа шықпай, ізін суытқан.
Тәртіп сақшылары оның бұдан бөлек тағы 2 алаяқтыққа қатысы барын анықтады. Келтірілген шығын көлемі 3 миллион теңгеден асады. Ол жәбірленушілерден алған ірі көлемдегі ақшаны құмар ойынға жұмсап жіберген. Қазір күдіктінің қылмыстық ісі сотқа өтті.
