2022 жылғы 25 қараша – 10 желтоқсан аралығында жыл сайынғы “Әйелдерге қатысты зорлық-зомбылыққа қарсы 16 күн” халықаралық акциясы аясында Түркістан қалалық полиция басқармасының ЖПҚ ӘЗЗҚ тобының инспекторы Әселхан Амантайқызы шаһардағы “Бірлік” секторының тұрғындарымен кездесу өткізіп, үнпарақтар беріп, түсіндірме жұмыстарын жүргізді.
Акцияның мақсаты – мемлекеттік органдар мен үкіметтік емес ұйымдар бірлесіп қабылдап жатқан зорлық-зомбылықтың алдын алу және оған қарсы іс-қимыл шаралары туралы халықты кеңінен хабардар ету, қоғамда әйелдер мен балаларға қарсы құқық бұзушылықтарға “төзбеушілік” атмосферасын құру.
Акцияға қатысушылардың міндеті – азаматтар арасында отбасылық-тұрмыстық негіздегі құқық бұзушылықтар мен қылмыстардың алдын алу және қайталануының алдын алу шаралары туралы түсіндіруге белсенді қатысу.
Түркістан қалалық полиция басқармасының ЖПҚ ӘЗЗҚ тобының инспекторы Әселхан Амантайқызы бастаған топ қоғамдық көліктер, аялдамаларда, қоғамдық орындар мен әлеуметтік желілерде адам өмірі мен денсаулығына зақым келуден қорғау мүмкіндіктері және колл-орталықтары мен отбасын қолдау орталықтары туралы ақпараттарды баяндап берді.
«Акцияның мақсаты-азаматтарды отбасылық-тұрмыстық негіздегі құқық бұзушылықтар мен қылмыстардың алдын алу және қайталануының алдын алу шаралары туралы түсіндіруге белсенді қатыстыру» , – дейді Әселхан Амантайқызы.
Акция Президент жанындағы Әйелдер істері және отбасылық-демографиялық саясат жөніндегі Ұлттық комиссияның қолдауымен, Ақпарат және қоғамдық даму министрлігі, Қазақстандағы БҰҰ-әйелдер құрылымы, Халықты қоныстандыру қорымен (ЮНФПА) және “Қазақстан Дағдарыс орталықтарының одағы” ЗТБ-мен бірлесіп өткізеді.
Сондай-ақ аясында «Өзіңдегі агрессияны қалай ұстауға болады”, “Тұрмыстық зорлық-зомбылық құрбандарына арналған көмек сұрау алгоритмі”, “Тұрмыстық зорлық-зомбылық құрбандарын әлеуметтік қолдау” семинар-тренингтері, “Зорлық-зомбылық жоқ ғарыш әлемі туралы арман” картиналарының тақырыптық көрмесі, “Шанель №5” театрландырылған қойылымы және республикалық, өңірлік деңгейдегі басқа да іс-шаралар ұйымдастырылды.
