Түркістан облысы мәдениет басқармасының «Farab» ғылыми-әмбебап кітапханасында «Кітапханадағы түн» атты шара өтті.
Жоба аясында ұйымдастырылған «Ертөстіктің Кенжекейді құтқару» квест ойынының басты мақсаты – қазақ ертегілерін, оның ішінде ел аузында таралуы кенде калып койған «Ертөстік» ертегісін кітапханашылар мен қалың оқырманға насихаттау.
Квестке Түркістан облыстық әмбебап ғылыми кітапханасының бастамасымен жыл сайын өткізілетін «Тиянақты кітапханашы» жазғы оқу мектебіне арнайы келген аудандық және ауылдық кітапханашылар қатысты. Ойын барысында ертегі желісінен алынған кейіпкерлер және қосымша әсерлеуші кейіпкерлер болды. Сонымен қатар, қатысушыларға қосымша көмек көрсете алатын жағымды кейіпкерлер де бар. Олар: Саққұлақ, Таусоғар, Көлтауысар, Желаяқ. Бір сағатқа созылған квест жеңімпаздарына арнайы номинациялар мен ынталандыру сыйлықтары тапсырылды.
