Түркістан қаласында тұрғын үй кезегін қысқарту, тұрғындардың тұрмысын жақсарту мақсатында қала мен облыс әкімшілігі бірқатар ірі тұрғын үй жобаларын жүзеге асыруда. Қазіргі таңда бірнеше көпқабатты үйлер салып жатыр, жаңа жоба‑жоспарлар құрылды. Жыл басынан бері 872 пәтер пайдалануға берілген. Оның 440-ы – арендалық баспаналар болса, 432-сі – кезекте тұрған отбасыларға табысталған. Бүгінгі таңда Түркістан қаласы бойынша 23 370 азамат тұрғын үй кезегінде тұр. Биыл тұрғын үймен қамтамасыз ету мақсатында 944 пәтерлі 11 тұрғын үйді пайдалануға беру жоспарланған. Жыл соңына дейін қалған 512 пәтерлі 6 тұрғын үйдің құрылыс жұмыстары толықтай аяқталады деп жоспарланған.
Мемлекет басшысы Қасым‑Жомарт Тоқаевтың Қазақстан халқына Жолдауында мемлекеттік тұрғын үй саясатының одан әрі жетілдірілуіне, тұрғындардың тұрғын үй жағдайларын жақсартуға бағытталған маңызды бастамаларды жариялады. Сондай-ақ, тұрғын үй бағдарламаларының аясын кеңейту, жеңілдетілген несиелер мен ипотекалық шарттардың тиімділігін арттыру қажеттігін атап өтті. Бұл шаралар халықтың, әсіресе әлеуметтік әлжуаз топтардың тұрғын үйге қол жеткізуін жеңілдетуге бағытталған.
Түркістан қаласында тұрғындарды баспанамен қамту бағытындағы жұмыстармен қатар, инфрақұрылым жүйесін дамыту жұмыстары жүйелі атқарылып келеді. Көпқабатты тұрғын үйлердің қатары артып, туризм саласын дамытуға бағытталған ауқымды жобалар легі жалғасуда. Құрылыс барысы облыс әкімі Нұралхан Көшеровтің тұрақты бақылауында. Осы ретте Түркістан облысы әкімі аппаратының басшысы Еркебұлан Дауылбаев облыс орталығының инфрақұрылым жүйесінде атқарылып жатқан жұмыстарды пысықтау мақсатында қаладағы әлеуметтік нысандардың, тұрғын үйлер мен жаңадан салынып жатқан жолдардың құрылыс жұмыстарымен танысты. Жауапты мердігерлермен жүздесіп, жұмыстарды сапалы әрі уақытында атқаруды міндетті.
Алдымен, аппарат басшысы «Жаңа қала» мөлтек ауданындағы №32 көшенің құрылыс алаңына барды. Бүгінде мұнда асфальттау, бетондау, жаяу жүргіншілер жолын салу, жарықтандыру жұмыстары 95 пайыз орындалған. Құрылыс жұмыстарына «Қаратас Майнинг» ЖШС жауапты. Сонымен қатар №36 көшені аралап, жарықтандыру, жол салу жұмыстарын қадағалады.
Кейіннен, облыс орталығындағы №2 Әкімшілік ғимаратының құрылыс алаңында болып, мердігерлермен кездесті. Бүгінде ғимараттың инженерлік инфрақұрылым жұмыстары, ішкі әрлеу, жиілігі төмен байланыс желілерін тарту, ауа тазартқыш және желдеткіш жүйелерін орнату, сыртқы инженерлік желілерді тарту және абаттандыру жұмыстары қарқынды жүргізілуде. Құрылыс жұмыстарын «Ернур «Строй и К» ЖШС жүргізуде. Құрылысқа арнайы 6 техника, 79 жұмысшы жұмылдырылған. Нысанды биыл қараша айында пайдалануға беру жоспарлануда. «Әкімшілік-іскерлік орталығы» аумағында бой көтеріп жатқан көпқабатты тұрғын үйлердің құрылыс алаңында болып, сапалы инфрақұрылыммен қамту жұмыстарын қадағалады. Ғимаратты толық аралап, тұрғын үй аумағын абаттандыру жұмыстарын да назардан тыс қалдырмады. Сонымен қатар Яссы көшесіне жол жүріп, ондағы абаттандыру шараларын қайта пысықтады. Аралау жұмыстары қала аумағындағы көпфункционалды атшабар алаңында жалғасты. Нысан 99,3 гектар аумақта орналасқан. Заманауи көпфункционалды кешенде 1 500 орындың трибуна, 10 жылқыға арналған қысқы және 50 жылқыға арналған жазғы қора, 2,5 шақырымды құрайтын атжарыс алаңы, көкпар алаңы, конкур қарастырылған. Бүгінде ғимаратқа ішкі инженерлік желілер тартылып, сыртқы, ішкі әрлеу, терезе орнату, шатырын жабу, жер тегістеу және дренаж төсеу шаралары жүргізілуде. Құрылысқа 43 дана техника мен 174 адам жұмылдырылған. Нысанды осы жылдың қараша айына дейін пайдалануға тапсыру көзделген. «Сақалды құрылысқа» жол берілмейтінін ескертіп, мерзімінен кешіккен мердігерлерге шара көруді тапсырды.
Биыл қалада Әкімшілік‑іскерлік орталықтағы 7 қабатты 24 тұрғын үйдің құрылысы жоспарланған. Оның ішінде 22 үйдің құрылысын қараша айына дейін аяқтау жоспарланып отыр, бұл 1296 пәтерді қамтиды. Қалада сондай‑ақ 100‑ге жуық көпқабатты тұрғын үй салынды: 7 қабатты, жалпы аумағы 45 мың шаршы метр болатын 15 тұрғын үй, 735 пәтерлік жоба мерзімінде жасалып жатыр. Жыл соңына дейін тұрғын үйлердің сапасын арттыру, инфрақұрылымды дамыту басты басымдық екенін қала басшылары атап өтуде. Ипотека, ұтқыр құру бағдарламалары арқылы тұрғындарға пәтерлерді қолжетімді ету жоспарлары қарастырылған.
Бұл жобалар тұрғындардың тұрмыстық шарттарын жақсартуға, тұрғын үй тапшылығын азайтуға, сонымен қатар қала инфрақұрылымын дамытуға септігін тигізеді. Жаңа тұрғын үйлер әлеуметтік әлжуаз топтарға (қажет азаматтар, жаңа қоныстанушылар) арналған, әрі қала дамуын жеделдету бағытын көрсетеді.