Бүгін Түркістан қалалық әкімдігінің қолдауымен “Мейірімді жүрек” қайырымдылық акциясы өтті.
Балалар жылы қарсаңында ұйымдастырылған шара шаһардағы ерекше қажеттілігі бар балаларға қуаныш сыйлауды мақсат етті.
Қала әкімінің орынбасары Ерлан Бақытжанұлы сөз алып: “Балалар – біздің қуанышымыз. Олардың өмірге деген құштарлығын күшейтіп, жағдай жасау ортақ міндет. Бүгінгі өтіп жатқан шара да соның бір көрінісі. Ерекше балаларымыздың армандары асқақ, өмірлері бақытты сәттерге толы болғай!”, – деді.
Сонымен қатар, Түркістан қалалық ардагерлер кеңесінің төрағасы Жарқынбек Құлбайымбетов пен “Шұғылалы таң” қоғамдық ұйымының төрайымы Дана Орманова да өз кезегінде осындай қайырымды істің басығасында жүрген азаматтарға алғысын білдіріп, ізгі тілектерін жеткізді.
Жиын соңында балаларға сыйлықтары таратылып, бүлдіршіндер әннен шашу шашып, өнерлерін ортаға салды.
Акция аясында балалар жаңа ашылған саябақты аралап, «Керуен сарай» кешенінде қайықпен қыдырды.
