Түркістан қаласының мәдени‑рухани орталығында «Қолөнершілер қалашығы» атты бірегей туристік кешенінің құрылысын жүргізіліп жатыр. Бұл жоба ұлттық қолөнерді сақтау, шеберлерді қолдау, туризмді дамыту және өңірдің мәдени»‑экономикалық әлеуетін арттыру мақсатында қолға алынуда.
Құрылыс жұмыстары толық қарқынмен жүргізілуде. Шеберхана, көрме залдары, ас үйлер, сауда алаңы секілді нысандардың құрылысын аяқтауға жақын. Жоба жауапты басқармалардың, архитекторлар мен қолөнер саласының мамандарының қатысуымен үйлестірілуде. Жұмыс сапасы, ұлттық стиль сақталу, заманауи талаптарға сәйкес келу міндеттері қарастырылуда.
Осы тұста Түркістан қаласының әкімі Әзімбек Пазылбекұлы қала аумағында бой көтеріп жатқан әлеуметтік және мәдени нысандардың құрылыс барысымен танысты. Аралау барысында қыркүйек айында пайдалануға берілетін «Қолөнершілер қалашығы» кешенінің жай-күйіне ерекше назар аударылды. Жоба туристерді тарту, қалаға келушілер санын ұлғайтуда маңызды рөл атқарады. Бұл әсіресе ұлттық мәдени мұраны көруге қызығушылық танытатын шетелдік және республикаішілік туристер үшін тартымды болады.
Жобаның жалпы аумағы 2,3 гектарды құрайды, ал құрылыс жұмыстары 1,5 гектар аумақты қамтып отыр. Туристік және мәдени бағыттағы бұл кешен 8 негізгі функционалды бөліктен тұрады. Мұнда 20 шеберхана, 2 шоурум, көрме залы, мейрамхана, қонақүй және өзге де қажетті инфрақұрылымдар қарастырылған. Сонымен қатар, өңірлік ерекшеліктер мен тұтынушылар сұранысына сәйкес арнайы брендтік каталог әзірленіп, соның негізінде ұлттық кәдесыйлар нарыққа шығарылатын болады. Қала басшысы құрылыс нысанын аралау барысында «Қолөнершілер қалашығы» қазақ халқының дәстүрлі қолөнерін дәріптеп, отандық және шетелдік туристер үшін тартымды мәдени орталыққа айналуы тиіс екенін атап өтті. Сондай-ақ жауапты сала мамандарына құрылыс сапасын арттыру, мерзімді қатаң сақтау және кешенді мазмұндық тұрғыдан жоғары деңгейде ұйымдастыру жөнінде нақты тапсырмалар жүктеді.
Айта кетейік, биыл ақпан айында Түркістан қаласына «World Craft Council» халықаралық ұйымының шешімімен және Дүниежүзілік қолөнер кеңесінің келісімімен «Қолөнершілер қаласы» мәртебесі берілді. Маңызды мәртебе аясында қыркүйектің 26-28 күндері халықаралық деңгейдегі– «ТҮРКІСТАН – ҚОЛӨНЕРШІЛЕР ҚАЛАСЫ» халықаралық фестивалі өтеді деп күтілуде.
«Қолөнершілер қалашығы» жобасы Түркістанның мәдени-рухани орталығында орналасып, ұлттық қолөнер мен туризмді тоғыстырған маңызды бастама болып табылады. Бұл кешен ұлттық дәстүрлер мен қазіргі заман талаптарын үйлестіріп, шеберлерге қолдау көрсетіп, туристер мен қонақтарға ерекше серпін береді. Жобаның толық іске асуы өңірге ғана емес, бүкіл елге мәдени және экономикалық тұрғыдан үлес қосады. Ұлттық қолөнер технологияларының жоғалуына тосқауыл қою, дәстүрлі әдістерді әрі қарай дамыту, шеберлердің білімін ұрпақтарға беру. Түркістанның туристік әлеуетін арттыру, мәдени-рухани орталығы ретінде оның беделін көтеру.
Жоба жауапты басқармалардың, архитекторлар мен қолөнер саласының мамандарының қатысуымен үйлестірілуде. Жұмыс сапасы, ұлттық стиль сақталу, заманауи талаптарға сәйкес келу міндеттері қарастырылуда.