Түркістан қаласында «Қауіпсіз ел» ұлттық жобасы аясында қоғамдық тәртіп қатаң қадағалануда.
Түркістан полициясына жергілікті тұрғын жеке кәсіпкер арызданды. Оның айтуынша, оның кассадағы қызметкерімен есептесу кезінде 10 миллион теңгеге жуық ашқа кем болып шыққан. Содан жәбірленуші оқиғаның толық мән-жайын анықтау үшін полиция қызметкерлерінен көмек сұраған.
Тәртіп сақшылары ақпарат келіп түскен бойда бірден іске кірісті. Олар қаражаттың қайда кеткенін анықтау үшін қажетті жұмыстарды атқарды.
Полицейлердің жедел іздестіру шараларының нәтижесінде, қылмысқа қатысы бар күдікті анықталды. Ол жергілікті тұрғын әйел болып шықты.
Анықталғандай, сезікті әйел жеке кәсіпкерлік орталықта кассир операторы болып жұмыс істеген. Күдікті кассадан 5 миллион теңгені, арада біраз күн өткен соң тағы да 5 миллион теңгеге жуық ақшаны білдірмей алған. Күдікті әйел алған ақшаның барлығын бас пайдасына жұмсаған.
Аталған жайтты полиция қызметкерлері ҚР ҚК-нің 189-бабы «Сеніп тапсырылған бөтен мүлікті емденіп алу немесе талан-таражға салу» бойынша тіркеуге алып, қазіргі таңда әйелге қатысты сотқа дейінгі тергеу амалдары жүргізілуде.
Айта кетсек, «Қауіпсіз ел» ұлттық жобасы жүйелі іске асуда. Аталған жобаның негізгі мақсаты – азаматтар мен мемлекеттің қауіпсіздігін қамтамасыз ету.
