Түркістан қаласында Мемлекет басшысының бастамасымен қолға алынған «Таза Қазақстан» республикалық экологиялық бағдарламасы үлкен қарқынмен жүзеге асуда. Бағдарламаның мақсаты — экологиялық мәдениетті нығайту, қоғамдық орында тазалық пен сұрыптау дағдыларын қалыптастыру, көгалдандыру, қала көркін жақсарту және тұрғындардың жайлы өмір сүру ортасын қамтамасыз ету. «Таза Қазақстан» акциясы Түркістан қаласында бірнеше апталық мерзімде өткізілді, оның ішінде «Таза өлке», «Киелі мекен», «Жасыл аймақ», «Өнегелі ұрпақ», «Мөлдір бұлақ» секілді экологиялық апталықтар бар. «Таза Қазақстан» бағдарламасы Түркістан қаласында таза, жасыл, көрікті қала болу жолында нақты әрекеттерге айналуда. Қатысушылар тарапынан байқалып отырған ынта мен белсенділік бағдарламаның табыстылығын айқындайды. Болашақта бұл шаралар тұрақты сипат алып, экологиялық мәдениеттің қалыптасуына, тұрғындардың өмір сапасының артуына үлкен үлес қосатыны анық. «Таза Қазақстан» республикалық экологиялық бағдарламасы аясында Түркістан қаласында кезекті жалпықалалық сенбілік өтті.
Тазалық шарасына Түркістан қаласына қарасты дербес бөлімдер, 6 сектор, коммуналдық мемлекеттік мекемелер, мемлекеттік коммуналдық кәсіпорындар, жауапкершілігі шектеулі серіктестіктер, облыстық басқармалар мен департаменттердің қызметкерлері белсенді қатысты. Сонымен қатар 800-ге жуық қызметкер жұмылдырылып, 10 арнайы техника тартылды. Сенбілік барысында Бекзат мөлтек ауданы аумағында ауқымды тазалық жұмыстары жүргізілді. Атап айтқанда, көпшілік жүретін аяқ жолдар сыпырылып, жасыл аймақтардағы арамшөптер шабылды және тұрмыстық қалдықтар жиналды. Нәтижесінде 25 тоннаға жуық қоқыс шығарылып, аудан аумағы толығымен тазартылды.
Түркістан қаласы әкімдігі мен тиісті мекемелер бұл бағыттағы жұмыстарды жүйелі түрде жалғастырып, өңір экологиясын жақсарту жолында белсенді жұмыс атқаруда. Осы тұста Түркістан қаласында ауқымды сенбілік өтті. Шараға қаланың ақсақалдары, ерікті жастары және шаһар тұрғындары қатысты. Жалпы 1 мыңнан аса азамат киелі қаладағы «Жеңіс» саябағы және өзге де демалыс орындарында тазалық жұмыстарын жүргізді. Шара мақсаты – рухани астана тұрғындарын тазалыққа үйретіп, қаланың келешегі үшін әрбір азаматтың еңбек етуі маңызды екенін түсіндіру. Шараға қатысушылар сенбілікте белсенділік танытып, тазалық мәдениетін қалыптастыруға атсалысты.
Жалпы «Таза Қазақстан» республикалық экоакциясы аясында Түркістан қаласында көптеген жұмыстар атқарылды. Бүгінгі күнге дейін 100-ден аса тазалық шаралары өткізіліп, әр апта сайын 10 мыңға жуық тұрғын сенбілік жұмыстарын жүргізді. Жалпы, Түркістан қаласында санитарлық тазалықпен қамтамасыз етілген 875 көше бар. Күтіп-ұстау жұмыстары тұрақты жүргізілуде. Оның ішінде 136 көше механикалық жолмен тазаланады. Қала аумағы 6 секторға бөлінген. Бүгінде шаhарда 32 саябақ, 32 демалыс аллеясы бар. Облыс орталығындағы көгалды аймақ бүгінде 262 гектарға жеткен. Акция аясында 1 миллионға жуық көшет отырғызылып, 8 гектар жерге гүл егілген.
Айта кетейік, Облыс бойынша 150 мың түп ағаш отырғызылып, табиғи абаттандыру жұмыстары жүргізілді. Мониторинг жұмыстар тұрақты жүргізіледі. Сондай-ақ, бүгінгі таңда «TazaQazBot» ақпараттық жүйесіне 3 029 өтінім түскен. Оның ішінде, 3 022 орындалған болса, 7 өтінім орындалу барысында. Өңірде тазалық жұмыстары үздіксіз жүргізіліп келеді. Өткен аптаның өзінде елді мекендерде 209 тазалық шарасы өтті. Нәтижесінде, тазалық жұмыстарына 59 027 тұрғын қатысып, 189 тонна қоқыс шығарылды. Бұл туралы Түркістан облысы әкімі Нұралхан Көшеровтің төрағалығымен өткен аппарат мәжілісінде баяндалды. Облыс әкімінің тапсырмасына сәйкес, аудан, қала аумағына апта сайын мониторинг жүргізілуде. Түркістан қаласындағы рейдтік шаралар барысында «Яссы» секторы аумағында қоқыс орындары анықталып, жойылды.