Түркістан облысындағы спорт саласының дамуы өңір экономикасына елеулі әсер етуде. Мемлекеттік және жеке инвестициялар есебінен салынған заманауи спорт инфрақұрылымы, жаңа жұмыс орындарының ашылуы және туризмнің дамуы арқылы облыстың әлеуметтік-экономикалық жағдайы жақсарып келеді. Түркістан облысындағы спорт саласының дамуы өңір экономикасының әртараптануына және тұрақты өсуіне ықпал етуде. Спорт инфрақұрылымына жасалған инвестициялар жаңа жұмыс орындарының ашылуына, туризмнің дамуына және жалпы экономикалық көрсеткіштердің жақсаруына әкелді. Бұл үрдіс алдағы жылдары да жалғасып, облыстың әлеуметтік-экономикалық жағдайын одан әрі жақсартуға мүмкіндік береді. Осы ретте, Түркістан облысында халықаралық талаптарға сай атшабар мен ескек есу каналының құрылысы жалғасуда. Облыс әкімі Нұралхан Көшеров аталған нысандарды аралап, құрылыс барысымен танысты.
Жалпы спорт саласы елімізде кең қолдауға ие. Саланың дамуына, бұқаралық спорт қозғалысын арттыруға, спорттағы жетістіктерді ынталандыруға бағытталған көптеген шаралар ұйымдастырылуда. Мемлекет басшысы Қасым-Жомарт Тоқаев халыққа арнаған жолдауында бұқаралық спортты дамытуға тапсырма берген болатын. Ал, бұқаралық спорттың жағдайы мен дамуы қажетті спорттық инфрақұрылымның болуына байланысты екені белгілі. Осы орайда Түркістан қаласында заманауи үлгідегі спорт нысандары салынып жатыр. Түркістанда салынып жатқан барлық ғимараттар қаланың көркі ғана емес, тарихи келбеті мен болмысын сақтай отырып, заманауи архитектураның озық жетістіктерін пайдалануда. Ғалымдар мен кәсіби мамандардың пікірі ескеріліп, тарихи келбетін жоғалтпауға басымдық берілуде.