Ашық аспан астында өткен квалификациялық ашық біріншілікке шахмат үйірмесінің 2-3 санаттағы жас спортшылары қатысты. Интеллектуалды ойында 40 оқушы бақ сынады. Жас шахматшыларды төрешілер алқасы қадағалады. Айта кетейік, таза ауада яғни Жеңіс саябағында өткен шахмат жарысын Түркістан қалалық балалар мен жасөспірімдер спорт клубы ұйымдастырды.
Турнирдің мақсаты жас шахматшылардың шеберліктерін шыңдап, жаздық демалыс уақытында оқушылардың бос уақыттарын тиімді пайдалануға шақыру.
Шахмат ойынының қорытындысы бойынша жеңімпаз атанған қатысушылар анықталып, марапаттарға ие болды.
