Түркістан қаласындағы «Достық үйінде» облыстық қоғамдық даму басқармасы «Қоғамдық келісім» КММ-ң ұйымдастыруымен 16 желтоқсан – Тәуелсіздік күніне орай «Ешкім де, ештеңе де ешқашан ұмытылмайды» тақырыбында кездесу өтті.
Басқосу барысында желтоқсаншылар 1986 жылғы желтоқсан оқиғасы кезінде бастан кешкен оқиғаларымен және естеліктерімен бөлісті. Түркістан қаласының тұрғыны Жанат Жұмадуллаева, Сауран ауданының тұрғыны Тамара Ерімбет жүрек тебірентерлік естеліктерін айтып, жас буынды ерекше әсерге бөледі.
Жиынға қатысқан жастар батыр аға-әпкелерге сұрақтарын қойып, пікірлерін тыңдады.
