Түркістан қаласында биыл Сауран ауданы, Ораңғай ауылдық округі, Құсшы ата елді мекеніндегі “Балауса” жазғы сауықтыру демалыс лагерінде түркістандық 900 мыңға жуық бала жазғы демалыстарын өткізеді.
Аталған лагерь 16 маусымнан бастап іске қосылып, 10 күннен, 6 ауысымда жұмыс жасайды. Қазіргі таңда, шараның 3-ші ауысымы өтуде.
Демалыс орнында қыз бен ер балаларға арналған арнайы жатын бөлмелер, ойын, тынығу бөлмелері бар. Одан бөлек, жас өрендерге өздеріне ұнайтын пайдалы әрі тиімді іспен шұғылдану мүмкіндіктері де қарастырылған. Сонымен қатар, арнайы тағайындалған жетекшілер де жұмыс жасауда.
Демалыс орындарында оқушылардың білімі мен ой-өрісін кеңейту мақсатында интеллектуалдық сайыстар мен ұлттық ойындарды ойнатуға баса назар аударылды. Әртүрлі бағыттағы мәдени-көпшілік іс-шаралар барысында музей, саябақ, көрме сияқты мәдениет ошақтарын көріп-білуге арналған шаралар ұйымдастырылады.
