Алматы қаласында Қазақстан Жазушылар одағының қара шаңырағы – Әдебиетшілер үйінде дәстүрлі Әдеби жыл қорытындысы өтті.
Руханият мерекесіне еліміздің түкпір-түкпірінен келген қаламгерлер мен Жазушылар одағының аймақтық өкілдері қатысты. Шара барысында бірқатар жазушылар еңбегі үшін арнайы марапатталды.
Жиын барысында Түркістан облысының жазушысы, белгілі ақын әрі Turkistan телеарнасының журналисі Айдар Сейдазым «Алаш» сыйлығының иегері атанды.
Айдар Сейдәзім 1980 жылы 26 желтоқсанда Оңтүстік Қазақстан облысы Ордабасы ауданы Ақжол ауылында дүниеге келген. Өлеңдері республикалық, облыстық газеттер мен журналдарда жарияланған. “Жапырақ ғұмыр” кітабының авторы. Жалынды жырлары бірқатар жинақтарға енген.
Айдар Бастарбекұлын марапатымен құттықтай отырып, шығармашылық табыс, отбасына амандық, бақ-береке тілейміз!
