Талдықорған қаласында жасөспірімдер арасында IV ауыл спорты ойындарында армрестлинг пен грек-рим күресінен жеңімпаздар белгілі болды.

Қол күресінен талай білекті де жүректі спортшысымен танылған Түркістан облысы ешкімге дес бермеді (117 ұпай). Алматы облысының жас спортшылары 2-орын алса (96 ұпай), үштікті Жетісу облысының армрестлинг шеберлері түйіндеді (91 ұпай).

Ал грек-рим күресінен Алматы облысының балуандары жалпы есепте топ жарды. Жарыс қожайынындары Жетісу 2-ші, Қостанай облысы 3-сатыға жайғасты.

Айта кетейік, жасөспірімдер 4 тамызға дейін енді шағын футбол, волейбол, баскетбол (3*3), көгалдағы хоккей, қазақ күресі, асық ату, тоғызқұмалақ, дзюдо, еркін күрес пен үстел теннисінен өзара кім мықтыны анықтайды.