Маусым айының 20-21 күндері Қостанай қаласында гір тасын көтеру спортынан Қазақстан Республикасының VII Халық спорты ойындары өтті.
4 жылда бір ұйымдастырылатын Халық спорты ойындарына еліміздің 14 облыс пен 3 республикалық маңызы бар қаладан келген 1 400-ден астам спортшы қатысты. Жарысқа Түркістан облысының атынан, ауданымыздың гір тасын көтеру спортының шеберлері де өз өнерлерін көрсетті. Байрақты сында Орынбасар Қобыланды 73 келі салмақта чемпион атанды.
Айта кетейік, спортшының жаттықтырушысы – Қазақстан Республикасының Еңбек сіңірген жаттықтырушысы Мұрат Серікбаев.
