Қытайдың Ханчжоу қаласында жазғы Азия Пара ойындары өтті. Сары құрлық елдерінің басты додасы саналатын жарыс жоғары дәрежеде ұйымдастырылған. Айтулы бәсекеге Қазақстан ұлттық құрамасы сапында Түркістан облысының 5 бес спортшысы қатысып, еліміздің қоржынына 3 күміс, 1 қола медальді салды. Жүлдегер спортшылар туған елге оралды. Оларды жанкүйерлер қауымы қошеметпен күті алды.
Спортшылар қатарында параканоэшілер Бибарыс Спатай, Жалғас Тайкенов, Жаңыл Балтабаева және пара-академиялық есуші Темірхан Дайырбек сынды дарынды спортшылар бар. Түркістан облысының параканоэшілері жарады. Қос күмісті ел қоржынына салған Бибарыс Спатайдың мерейі үстем болды. Параканоэден Жалғас Тайкенов KL3 бағдарламасы бойынша 200 метр қашықтыққа мәреге екінші болып жетіп, күміс алқаны мойнына ілді. Еліміздің намысын қорғаған параканоэші жерлесіміз Жаңыл Балтабаева VL3 200 жекелей бағдарламасында қола медальді қанағат етті.
