2022 жылдың 11-15 маусым күндері аралығында Өскемен қаласында жас жеткіншектер арасында Азия чемпионатына бокстан іріктеу мақсатында “Мықтылар турнирі” болып өтті.
Аталған турнирге Түркістан облысы Мақтаарал ауданы “Мырзакент” спорт клубының жас спортшысы, бокстан Қазақстан Республикасының чемпионы Айсұлу Мұхит қатысып, өзіне қарсыластарын шақ келтірмеді. Атап айтқанда, жартылай финалда шымкенттік қарсыласын тізе бүктірсе, финалда қарағандықылық қарсыласын айқын басымдықпен жеңіп, Азия Чемпионатына жолдама алды.
Айта кетейік, Айсұлу Мұхит ағымдағы жылдың 19-24 сәуір күндері аралығында Қостанай қаласында өткен бокстан Қазақстан Республикасының Чемпионатының жеңімпазы атанған болатын. Жаттықтырушысы – Дархан Мықтыбеков.
